Foto: saigez.kz

Qırımbek Köşerbaev mwnay ken orındarınıñ azayuı 70% Qızılorda oblısında ekenin mälimdedi. Bwl turalı ol Ortalıq kommunikaciyalar qızmetindegi beyresmi kezdesu barısında ayttı.

«Mwnay ken orındarınıñ azayuınan 2015-2017 jıldarı mwnay öndiru 3 million tonnağa azaydı. Respublika boyınşa azayğan mwnaydıñ 70% bizdiñ oblısqa tiesili. Sonıñ kesirinen mwnay käsiporındarınıñ investiciyalıq şığındarı da azaydı. 2016 jıldıñ qortındısı boyınşa mwnay käsiporındarınıñ investiciyalıq şığındarı 30% tüsip ketken. Bwl öz kezeginde qwrılısqa da äser etip otır» dedi Qırımbek Köşerbaev.

Oblıs äkimi aymaqtağı mwnay salasındağı qalıptasqan jağday «Sekseuil-Jezqazğan» temirjolı, «Batıs Qıtay-Batıs Europa» tas jolı, «Beyneu-Şımkent» gazjolı jobalarına da keri äser etip jatqanın ayttı.

Alayda, oblıs ekonomikası tek qana mwnayğa täueldi emes. Mäselen, 2014 jıldan beri aymaq ekonomikasınıñ öñdeu sektorı jaqsı qarqınmen damıp keledi. Soñğı tört jılda bwl sektor 52% ösken. Jäne jwmıssızdıqtı da 4,9% wstap twruğa aymaq ekonomikasındağı jüyeli jwmıstar mümkindik berip otır deydi oblıs äkimi.

“ The Qazaq Times”