فوتو: saigez.kz

قىرىمبەك كوشەرباەۆ مۇناي كەن ورىندارىنىڭ ازايۋى 70% قىزىلوردا وبلىسىندا ەكەنىن مالىمدەدى. بۇل تۋرالى ول ورتالىق كوممۋنيكاتسيالار قىزمەتىندەگى بەيرەسمي كەزدەسۋ بارىسىندا ايتتى.

«مۇناي كەن ورىندارىنىڭ ازايۋىنان 2015-2017 جىلدارى مۇناي ءوندىرۋ 3 ميلليون تونناعا ازايدى. رەسپۋبليكا بويىنشا ازايعان مۇنايدىڭ 70% ءبىزدىڭ وبلىسقا تيەسىلى. سونىڭ كەسىرىنەن مۇناي كاسىپورىندارىنىڭ ينۆەستيتسيالىق شىعىندارى دا ازايدى. 2016 جىلدىڭ قورتىندىسى بويىنشا مۇناي كاسىپورىندارىنىڭ ينۆەستيتسيالىق شىعىندارى 30% ءتۇسىپ كەتكەن. بۇل ءوز كەزەگىندە قۇرىلىسقا دا اسەر ەتىپ وتىر» دەدى قىرىمبەك كوشەرباەۆ.

وبلىس اكىمى ايماقتاعى مۇناي سالاسىنداعى قالىپتاسقان جاعداي «سەكسەۋىل-جەزقازعان» تەمىرجولى، «باتىس قىتاي-باتىس ەۋروپا» تاس جولى، «بەينەۋ-شىمكەنت» گازجولى جوبالارىنا دا كەرى اسەر ەتىپ جاتقانىن ايتتى.

الايدا، وبلىس ەكونوميكاسى تەك قانا مۇنايعا تاۋەلدى ەمەس. ماسەلەن، 2014 جىلدان بەرى ايماق ەكونوميكاسىنىڭ وڭدەۋ سەكتورى جاقسى قارقىنمەن دامىپ كەلەدى. سوڭعى ءتورت جىلدا بۇل سەكتور 52% وسكەن. جانە جۇمىسسىزدىقتى دا 4,9% ۇستاپ تۇرۋعا ايماق ەكونوميكاسىنداعى جۇيەلى جۇمىستار مۇمكىندىك بەرىپ وتىر دەيدى وبلىس اكىمى.

“ The Qazaq Times”