foto: versiya.info

Qırğızstannıñ vice-prem'eri Altınay Ömirbekova sıpayı därigerlerdiñ jalaqısı 15 payız ösui mümkin ekendigin mälimdedi. Qazirgi tañda Qırğız biligi atalğan mümkindikti qarastırıp, barlıq jağday talqılanu üstinde ekendigin jetkizdi.

Vice-prem'erdiñ sözinşe, nauqas jandardan döreki därigerlerdiñ atına jazılğan şağım tım köbeyip ketken. Däl osı qiındıqtı şeşu maqsatında jaña jüye engizilui mümkin. Jalaqığa qosımşa 15 payız üstemaqını tek, jıl boyı özin sıpayı körsetip, eşqanday şağım tüspegen därigerler ğana iemdenetin boladı. Alayda, qırğız vice-ministri Altınay Ömirbekova bwl jüyede barlıq tüsken şağımdardıñ qaralatındığı bolmasa naqtı bir tärtiptiñ bwzılğanı anıqtalğan şağımdar ğana esepteletini turalı aşıp aytqan joq.

Esteriñizge sala keteyik, 1 qazannan bastap Qırğız elinde därigerlerdiñ eñbegine tölenetin qarajatqa jaña jüye engizilgen bolatın. Endi jalaqınıñ kölemi arnayı baldıq körsetkişpen ölşenetin boladı. Mısalı, gipertoniya nauqastarın eñ köp qarağan däriger, säykesinşe köp qarajat aluına mümkindik bar. Biraq, alğaşqı aydan bastap därigerler belgilengen baldıq körsetkişke jetu mümkin emes ekendigin aytıp, birneşe ret şeruge şıqqan bolatın. Alayda, Qırğızstannıñ densaulıq saqtau ministrligi bwl jobanıñ bolaşaqta sätti enetinine senimmen qarap otır. Sonımen qatar, däl osınday jaña jüyeni qırğız mektepteriniñ mwğalimderine engizu de qarastırıluda.

 "The Qazaq Times"