Özbek prem'eri Oştağı saparın bastadı. Foto: OFFICIAL.

Özbekstan prem'er-ministri Abdulla Aripov Qırğızstannıñ Oş qalasına resmi saparmen bardı. Resmi mälimetterde, özbek prem'er-ministriniñ Qırğızstan saparı eki eldiñ şekaralas oblıstarınıñ jetekşileri arasındağı keñeske qatısudı maqsat etkeni aytılğan.

Qırğız ben özbek biligi arasındağı bwl kezdesude şekaralas aymaqtardıñ sauda-ekonomikalıq jäne mädeni-gumanitarlıq baylanıstarın damıtu mäselesi taqırıp etilgen. Osı mäselelerde Qırğızstan joğarı bilik ökilderi, ministrleri, Oş oblısınıñ jetekşileri Özbekstan prem'erimen keñes ötkizgen.

Soñğı eki jılda özbek pen qırğız ağayın arasında tatulıqqa bet bwrıp, qarım-qatınastı jaqsartuğa degen talpınıstar bayqaladı. Bwğan deyin Ferğana aymağın ekige bölip jatqan eki eldiñ arasında tolassız şekaralıq daular tuılıp, keyde tipti qaqtığıstarğa da jol berip jatatın.

Özbekstan biligine Şavkat Mirzeev kelgennen keyin körşiles eldermen qarım-qatınastı jaqsartu bağıtında jwmıstardı qolğa aldı. Qırğız ben özbek ağayınnıñ arasında qarım-qatınastı damıtu maqsatındağı kelissözder birneşe ret ötti. Özbekstan prem'eri Abdulla Aripovtıñ kezekti saparı da sonıñ biri.

“The Qazaq Times”