Foto: Ufimskiy Jurnal

Tatarstan Resey Federaciyasındağı mañızdı ekonomikalıq aymaq retinde şeteldik kapital üşin «tartılıs ortalığı» boludı jalğastıruda dep habarlap otır «Anadolı» agenttigi.  Tatarstan Damu agenttiginiñ ökilderi respublikada ay sayın ortaşa 15 jaña halıqaralıq seriktestik qwrılğanın mälimdedi.

Bir ğana 2016 jıldağı şeteldik investiciyanıñ Tatarstan ekonomikasına qosqan ülesi – 422 million dollar bolıp otır. Damu agenttigi direktorı Taliya Minullina, Tatarstanğa investiciya salatın Türkiya, Germaniya, AQŞ, Qıtay, Franciya jäne Çehiya sındı 40-tan astam elmen jaqın ıntımaqtastıq ornatqandarın mälimdedi. Ol sözinde:  «Tatarstan 2016 jıldıñ alğaşqı şireginde kütilgennen oylağanımızdan da köbirek investiciya tartıldı. Sankciyanıñ eşkimge payda äkelmeytinin barlığı biledi.  Biz barğan elder bizdi jılı qabıldaydı. Biz de olardı jılı qarsı alamız», – dedi.

Tatarstanda 20 iri qala bar, sonıñ işinde 6 qala federaciya biliginde. Reseyge salınğan sankciyalardıñ auırtpalığınan qwtılu üşin, respublika retinde şetel investiciyasın tartu josparı Volga ekonomikalıq aymağınıñ  damuına ümit şırağın jaqtı. Qıtay, Türkiya jäne TMD aymaqtarımen ornatqan sauda-baylanıs Tatarstan ekonomikasına ilgerleuşilik berip otır. Alayda, jalpıreseylik ekonomikanıñ tömendeuiniñ äserinen aynalıp ötu qiın. Şetel investiciyasın tartu Tatarstandı Reseydiñ öñirlik önim mölşerindegi 6-şı orınnan 4-şi orınğa kötergen. Önim öndiru 9 mlrd rubl'den 13 mlrd rubl'ge ösken.

Qazir Tatarstannıñ 6 ekonomikalıq aymağınıñ tartqan investiciya kölemi Resey investiciya köleminiñ aldınğı qatarğa ötip otır. Resey özine tüsken sankciya salmağınan respublikalardıñ jekeley investiciya tartuına jol beruden basqa şarası joq. Osığan qarağanda Reseyge salınğan sankciyalar artqan sayın, qwramındağı respublikalardıñ derbestenuine jol aşuı mümkin.

“The Qazaq Times”