Tatarstan prezidenti Rustam Minnihanov bügin mekteptegi atısqa baylanıstı 12 mamır qaralı kün dep jariyaladı.

Qazir Qazan qalasında kontrterroristik operaciyalar rejimi ornağan. Bilim beru mekemeleriniñ barlığında qauipsizdik şaraları küşeytildi. Resmi mälimet boyınşa, Qazandağı 175-mekteptegi atıstan 9 adam qaza bolğan. Tağı 16 adam jaraqat alğan. Bwğan deyin reseylik aqparat közderi 11 adamnıñ köz jwmıp, 30 adamnıñ zardap şekkeni jaylı habar taratqan bolatın.

Oqiğa ornına Tatarstan prezidenti Rustam Minnihanovtan bölek, densaulıq saqtau ministri Marat Sadıkov jäne aymaq prokurorı Ildus Nafikov barğan.

Mektepke şabuıl jasağan adam däl osı mekteptiñ tülegi Il'naz Galyaviev esimdi 19 jastağı jasöspirim bolıp şıqtı. Qazir Qazandağı universitetterdiñ birinde 4-kursta oqidı. Bwdan bölek ol juırda telegram äleumettik jelisinde arna aşıp, adam öltirumen baylanıstı birneşe jazba jariyalağan.

Eldegi jağdayğa baylanıstı Reseydiñ tötenşe jağdaylar ministrliginiñ wşağı Qazan qalasına wşıp şıqtı. Onıñ bortında atıstan zardap şekkenderge kömek körsetetin därigerler men psihologtar bar.

"The Qazaq Times"