فوتو: ۋفيمسكي جۋرنال

تاتارستان رەسەي فەدەراتسياسىنداعى ماڭىزدى ەكونوميكالىق ايماق رەتىندە شەتەلدىك كاپيتال ءۇشىن «تارتىلىس ورتالىعى» بولۋدى جالعاستىرۋدا دەپ حابارلاپ وتىر «انادولى» اگەنتتىگى.  تاتارستان دامۋ اگەنتتىگىنىڭ وكىلدەرى رەسپۋبليكادا اي سايىن ورتاشا 15 جاڭا حالىقارالىق سەرىكتەستىك قۇرىلعانىن مالىمدەدى.

ءبىر عانا 2016 جىلداعى شەتەلدىك ينۆەستيتسيانىڭ تاتارستان ەكونوميكاسىنا قوسقان ۇلەسى – 422 ميلليون دوللار بولىپ وتىر. دامۋ اگەنتتىگى ديرەكتورى تاليا مينۋللينا، تاتارستانعا ينۆەستيتسيا سالاتىن تۇركيا، گەرمانيا، اقش، قىتاي، فرانتسيا جانە چەحيا سىندى 40-تان استام ەلمەن جاقىن ىنتىماقتاستىق ورناتقاندارىن مالىمدەدى. ول سوزىندە:  «تاتارستان 2016 جىلدىڭ العاشقى شيرەگىندە كۇتىلگەننەن ويلاعانىمىزدان دا كوبىرەك ينۆەستيتسيا تارتىلدى. سانكتسيانىڭ ەشكىمگە پايدا اكەلمەيتىنىن بارلىعى بىلەدى.  ءبىز بارعان ەلدەر ءبىزدى جىلى قابىلدايدى. ءبىز دە ولاردى جىلى قارسى الامىز»، – دەدى.

تاتارستاندا 20 ءىرى قالا بار، سونىڭ ىشىندە 6 قالا فەدەراتسيا بيلىگىندە. رەسەيگە سالىنعان سانكتسيالاردىڭ اۋىرتپالىعىنان قۇتىلۋ ءۇشىن، رەسپۋبليكا رەتىندە شەتەل ينۆەستيتسياسىن تارتۋ جوسپارى ۆولگا ەكونوميكالىق ايماعىنىڭ  دامۋىنا ءۇمىت شىراعىن جاقتى. قىتاي، تۇركيا جانە تمد ايماقتارىمەن ورناتقان ساۋدا-بايلانىس تاتارستان ەكونوميكاسىنا ىلگەرلەۋشىلىك بەرىپ وتىر. الايدا، جالپىرەسەيلىك ەكونوميكانىڭ تومەندەۋىنىڭ اسەرىنەن اينالىپ ءوتۋ قيىن. شەتەل ينۆەستيتسياسىن تارتۋ تاتارستاندى رەسەيدىڭ وڭىرلىك ءونىم مولشەرىندەگى 6-شى ورىننان 4-ءشى ورىنعا كوتەرگەن. ءونىم ءوندىرۋ 9 ملرد رۋبلدەن 13 ملرد رۋبلگە وسكەن.

قازىر تاتارستاننىڭ 6 ەكونوميكالىق ايماعىنىڭ تارتقان ينۆەستيتسيا كولەمى رەسەي ينۆەستيتسيا كولەمىنىڭ الدىنعى قاتارعا ءوتىپ وتىر. رەسەي وزىنە تۇسكەن سانكتسيا سالماعىنان رەسپۋبليكالاردىڭ جەكەلەي ينۆەستيتسيا تارتۋىنا جول بەرۋدەن باسقا شاراسى جوق. وسىعان قاراعاندا رەسەيگە سالىنعان سانكتسيالار ارتقان سايىن، قۇرامىنداعى رەسپۋبليكالاردىڭ دەربەستەنۋىنە جول اشۋى مۇمكىن.

“The Qazaq Times”