Foto: Polittech.org

Mäskeude ötken TMD elderiniñ qauipsizdik wyımdarınıñ basşılar otırısında Süriya (Siriya) soğısındağı ekstremisterdi anıqtau jäne olardıñ TMD aumağına kiruiniñ aldın alu turalı talqılandı. Otırıstıñ tağı bir maqsatı – terrorşıl toptardı qarjımen qamtamasız etudiñ aldın alu şarasın talqılau boldı.

Parsı aqparatı habarlap otır: Mäskeu otırısında TMD Lañkestikke qarsı twru ortalığınıñ basşısı DAIŞ tobına qatısuğa ümitker ekstremisterdiñ azayuına toqtala kelip, wyımdağı ekstremisterdiñ öz elderine qaytuğa talpınıp jatqanın habarladı. Oğan Süriya  men Iraktağı terrorlıq wyımdardıñ älsirep, ükimettik jäne halıqtıq wyımdardıñ nığayuı, sonday-aq, terrorlıq wyımdardıñ soğıs maydanında art-artınan jeñilis tabuı sebep bolğan.

DAIŞ wyımına qatısqan ekstremisterdiñ öz eline qaytuğa talpınıs jasauı, Orta Aziya elderine asa qauipti boları anıq. Orta Aziyadan Süriya soğısın qatısıp jatqan ekstremister sanı birşama köp. Olar öz elderine qaytıp oralsa, lañkestik şabuıl jasau täjiribeleri men lañkestik ideyanı ala kelmek. Kezinde öz elderinen Süriyağa attanğan äsireşilderge köz jwma qarağan elder, endigi jerde sonıñ zardabın tartuı ıqtimal. Orta Aziya men Kavkaz elderinen tıs, Süriya ükimetine qarsı wyımdarğa qoldau körsetken aymaqtı, europalıq elderiniñ bäri de bwnıñ zardabınan aulaq bola almaydı.

Orta Aziya elderi terrorizm men ekstremizmge qarsı twru jağında Europadan köp artta. Ekstremistik toptarğa janasu, olardıñ ügitin qabıldauğa beyim bolıp sanaladı. Eger Süriya maydanın tastap, öz eline qaytatın ekstremister TMD aumağına, Ortalıq Aziya elderine oralar bolsa, bwl elderdegi lañkestik jağday auırlay tüsedi. Halıqtıñ amandığı men memleket ornıqtılığına auır qater keletin mwnday tüyinderdi berik wstau, atalğan aymaqtağı elderdiñ, Qauipsizdik organdarınıñ mañızdı kün tärtibine enui tiis. Qazaqstandağı terrorizmge qarsı twru üşin Süriyağa Qazaqstannan barğan ekstremisterdi tolıqtay anıqtap, Qazaqstan territoriyasına kirip, lañkesitk şabuıldar men dini ekstremistik toptar qalıptastıruınıñ aldın alu şaraları kerek.

“The Qazaq Times”