Tayuan jaña zımıran sınağın sätti ötkizdi. Foto: VOA.

Beysenbi küni Tayuan (Tayvan') özin-özi qorğau dayındığı men quatın äygileu maqsatındağı zımıran sınağın sätti ötkizgenin jariyaladı. Bwl turalı Tayuan aqparat qwraldarı habarladı.

Tayuan Ğılım akademiyası atalğan sınaqtı beysenbi küni tañğı sağat 05:30 şamasında ötkizgen. Qorğanıs tarauları bwl ret sätti sınalğan zımıran osığan deyingi «Niangong-3» nemese «Patriot» attı zımırandardan äldeqayda quattı ekenin ayttı.

Soñğı jıldarı, resmi Beyjiñ biligi Tayuandı derbestikke wmtılıp jatqanın sınğa alıp keledi, äri Tayuan biligine türli qısımdar men ürkitu-qorqıtu äreketterin bağıttadı. Sol negizde Halıq azattıq armiyasınıñ ösip kele jatqan quatın äygileu maqsatında jäne kerek bolğan jağdayda qarulı küş qoldana alatının däleldeu maqsatında Tayuan aralına jaqın mañda jäne Tayuan bwğazında türli äskeri oqu-jattığular tebinin arttırdı.

Bwğan qarsı Tayuan qorğanıs küşteri de özin qorğau qabiletin äygileu maqsatında zımıran sınaqtarın ötkizdi. Osığan deyin sınaqtan ötkizgen «Niangong-3» nemese «Patriot-3» zımıran qorğanıs jüyeleri qarsılastıñ ballistikalıq zımırandarın wstauğa qabiletti ekenin däleldegen bolatın. Sonday-aq, eki jağalau aytarlıqtay assimetriya jağdayına tap bolıp jatsa, Tayuan qorğanıs küşteri  «Asimmetriyalıq soğıs» jağdayın tolıq jüzege asıra alatının, şekteuli äskeri mümkindikterin qoldana otırıp, jağalaudağı äuejaylardı, äue bazaları men mañızdı äskeri

Aytalıq, biıl mausım ayında Tayuan qorğanıs küşteri bir şağın balıqşılıq portınan «Tiangong-2» zımıranın wşırıp, onı «Patriot-3» zımıran qorğanıs jüyesi arqılı sätti wstay alğan edi. Qwrama Ştattarda öndirilgen «Patriot3» zımıran intergetorlıq zımırandarınıñ eñ jaña türi sanaladı.

Sonımen birge, Tayuan biligi AQŞ-tan ozıq qorğanıs jabdıqtarın satıp aluğa jäne öz qorğanıs mümkindikterin nığaytuğa tırısıp keledi.

“The Qazaq Times”