تايۋان ءوزىن قورعاۋ قابىلەتىن ايگىلەيتىن زىمىران سىناعىن ءساتتى وتكىزدى

بەيسەنبى كۇنى تايۋان (تايۆان) ءوزىن-ءوزى قورعاۋ دايىندىعى مەن قۋاتىن ايگىلەۋ ماقساتىنداعى زىمىران سىناعىن ءساتتى وتكىزگەنىن جاريالادى. بۇل تۋرالى تايۋان اقپارات قۇرالدارى حابارلادى.

تايۋان عىلىم اكادەمياسى اتالعان سىناقتى بەيسەنبى كۇنى تاڭعى ساعات 05:30 شاماسىندا وتكىزگەن. قورعانىس تاراۋلارى بۇل رەت ءساتتى سىنالعان زىمىران وسىعان دەيىنگى «Niangong-3» نەمەسە «پاتريوت» اتتى زىمىرانداردان الدەقايدا قۋاتتى ەكەنىن ايتتى.

سوڭعى جىلدارى، رەسمي بەيجىڭ بيلىگى تايۋاندى دەربەستىككە ۇمتىلىپ جاتقانىن سىنعا الىپ كەلەدى، ءارى تايۋان بيلىگىنە ءتۇرلى قىسىمدار مەن ۇركىتۋ-قورقىتۋ ارەكەتتەرىن باعىتتادى. سول نەگىزدە حالىق ازاتتىق ارمياسىنىڭ ءوسىپ كەلە جاتقان قۋاتىن ايگىلەۋ ماقساتىندا جانە كەرەك بولعان جاعدايدا قارۋلى كۇش قولدانا الاتىنىن دالەلدەۋ ماقساتىندا تايۋان ارالىنا جاقىن ماڭدا جانە تايۋان بۇعازىندا ءتۇرلى اسكەري وقۋ-جاتتىعۋلار تەبىنىن ارتتىردى.

بۇعان قارسى تايۋان قورعانىس كۇشتەرى دە ءوزىن قورعاۋ قابىلەتىن ايگىلەۋ ماقساتىندا زىمىران سىناقتارىن وتكىزدى. وسىعان دەيىن سىناقتان وتكىزگەن «Niangong-3» نەمەسە «پاتريوت-3» زىمىران قورعانىس جۇيەلەرى قارسىلاستىڭ بالليستيكالىق زىمىراندارىن ۇستاۋعا قابىلەتتى ەكەنىن دالەلدەگەن بولاتىن. سونداي-اق، ەكى جاعالاۋ ايتارلىقتاي اسسيمەتريا جاعدايىنا تاپ بولىپ جاتسا، تايۋان قورعانىس كۇشتەرى  «اسيممەتريالىق سوعىس» جاعدايىن تولىق جۇزەگە اسىرا الاتىنىن، شەكتەۋلى اسكەري مۇمكىندىكتەرىن قولدانا وتىرىپ، جاعالاۋداعى اۋەجايلاردى، اۋە بازالارى مەن ماڭىزدى اسكەري

ايتالىق، بيىل ماۋسىم ايىندا تايۋان قورعانىس كۇشتەرى ءبىر شاعىن بالىقشىلىق پورتىنان «Tiangong-2» زىمىرانىن ۇشىرىپ، ونى «پاتريوت-3» زىمىران قورعانىس جۇيەسى ارقىلى ءساتتى ۇستاي العان ەدى. قۇراما شتاتتاردا وندىرىلگەن «پاتريوت3» زىمىران ينتەرگەتورلىق زىمىراندارىنىڭ ەڭ جاڭا ءتۇرى سانالادى.

سونىمەن بىرگە، تايۋان بيلىگى اقش-تان وزىق قورعانىس جابدىقتارىن ساتىپ الۋعا جانە ءوز قورعانىس مۇمكىندىكتەرىن نىعايتۋعا تىرىسىپ كەلەدى.

“The Qazaq Times”