Foto: The-Fiscal-Times

Resey Qarjı ministrliginiñ 17 aqpan küni jasağan mälimdemesinde, Reseydiñ Keñes odağı kezindegi qarızdarı turasında mälimetter berip, biılğı jıl soñına deyin Bosniya jäne Gercegovinağa eñ soñğı qarızdarın öteudi josparlap otırğanın habarladı. Bwl turalı Chinanews habarlaydı.

«Izvestiya»-nıñ habarında: «Resey Qarjı ministrligi osı jıldıñ jıl soñnan bwrın Keñes odağınan qalğan barlıq qarızdı tolıqtay öteu josparın jasap otır», – delingen. Resey Qarjı ministrliginiñ ötken aptadağı mälimdesinen, Resey osıdan bwrın Keñes odağınıñ Makedoniyadağı $ 60,6 mln qarızın ötep bolğan. Alda, Bosniya jäne Gercegovinadağı Keñes odağınıñ qarızın öteu mindeti barı belgili bolğan edi. Bwl atalğan eki el YUgoslaviyanıñ ıdırauınan qwrılğan elder bolıp, Keñes kezindegi qarızdı qalpına keltiru qwqığına ie.

Atalğan eki elmen Resey ükimet tarauları qatıstı kelisimderdi äzirlep bolğan. Jıldıñ soñğı birneşe ayında qarız qaytarılıp, qarızdıñ öteluin rastaytın kelisimderge qol qoyıladı. Bwl qarız Reseydiñ Sırtqı Ekonomika Banki arqılı bir rette öteletin boladı. Resey ükimeti bwl qarız öteu isiniñ qarapayım türde atqarılatındığın, barlıq kelisimder men äzirlikter jaz aylarında ayaqtaytınına senim bildirdi.

«Izvestiya» Resey Qarjı ministrliginiñ habarına silteme berip, bwl soñğı ret tölenetin qarız mölşeri 512,3 mlrd rubl'di qwraydı dep körsetti. Qarız qaytaru kelisimine qol qoyğannan keyin Resey jaq 45 kün işinde ötep boluı tiis. Atalğan eki elge degen bereşegi ötelse Reseydiñ Keñes odağı kezinen qalğan qarızdarınan tolıqtay ada bolğan boladı.

“The Qazaq Times”