بيىل رەسەي كەڭەس وداعىنان قالعان قارىزدارىن وتەپ بولماق

رەسەي قارجى مينيسترلىگىنىڭ 17 اقپان كۇنى جاساعان مالىمدەمەسىندە، رەسەيدىڭ كەڭەس وداعى كەزىندەگى قارىزدارى تۋراسىندا مالىمەتتەر بەرىپ، بيىلعى جىل سوڭىنا دەيىن بوسنيا جانە گەرتسەگوۆيناعا ەڭ سوڭعى قارىزدارىن وتەۋدى جوسپارلاپ وتىرعانىن حابارلادى. بۇل تۋرالى Chinanews حابارلايدى.

«يزۆەستيا»-نىڭ حابارىندا: «رەسەي قارجى مينيسترلىگى وسى جىلدىڭ جىل سوڭنان بۇرىن كەڭەس وداعىنان قالعان بارلىق قارىزدى تولىقتاي وتەۋ جوسپارىن جاساپ وتىر»، – دەلىنگەن. رەسەي قارجى مينيسترلىگىنىڭ وتكەن اپتاداعى مالىمدەسىنەن، رەسەي وسىدان بۇرىن كەڭەس وداعىنىڭ ماكەدونياداعى $ 60,6 ملن قارىزىن وتەپ بولعان. الدا، بوسنيا جانە گەرتسەگوۆيناداعى كەڭەس وداعىنىڭ قارىزىن وتەۋ مىندەتى بارى بەلگىلى بولعان ەدى. بۇل اتالعان ەكى ەل يۋگوسلاۆيانىڭ ىدىراۋىنان قۇرىلعان ەلدەر بولىپ، كەڭەس كەزىندەگى قارىزدى قالپىنا كەلتىرۋ قۇقىعىنا يە.

اتالعان ەكى ەلمەن رەسەي ۇكىمەت تاراۋلارى قاتىستى كەلىسىمدەردى ازىرلەپ بولعان. جىلدىڭ سوڭعى بىرنەشە ايىندا قارىز قايتارىلىپ، قارىزدىڭ وتەلۋىن راستايتىن كەلىسىمدەرگە قول قويىلادى. بۇل قارىز رەسەيدىڭ سىرتقى ەكونوميكا بانكى ارقىلى ءبىر رەتتە وتەلەتىن بولادى. رەسەي ۇكىمەتى بۇل قارىز وتەۋ ءىسىنىڭ قاراپايىم تۇردە اتقارىلاتىندىعىن، بارلىق كەلىسىمدەر مەن ازىرلىكتەر جاز ايلارىندا اياقتايتىنىنا سەنىم ءبىلدىردى.

«يزۆەستيا» رەسەي قارجى مينيسترلىگىنىڭ حابارىنا سىلتەمە بەرىپ، بۇل سوڭعى رەت تولەنەتىن قارىز مولشەرى 512,3 ملرد ءرۋبلدى قۇرايدى دەپ كورسەتتى. قارىز قايتارۋ كەلىسىمىنە قول قويعاننان كەيىن رەسەي جاق 45 كۇن ىشىندە وتەپ بولۋى ءتيىس. اتالعان ەكى ەلگە دەگەن بەرەشەگى وتەلسە رەسەيدىڭ كەڭەس وداعى كەزىنەن قالعان قارىزدارىنان تولىقتاي ادا بولعان بولادى.

“The Qazaq Times”