Foto: The Wall Street Journal

AQŞ. Aq üydegi keşegi (16 aqpan, beysenbi ) ötken tartısqa tolı baspasöz mäslihatında, jurnalister Tramptan keñesşisi men Resey elşisi arasındağı baylanıs turalı jarıtıp jauap ala almağanına narazı. Bwl retki baspasöz mäslihatı ükimettik şeksiz öktemdigin bayqattı deydi baspasöz konferenciyasında bolğan «The New York Times» basılımınıñ jurnalisteri.

Jaña Eñbek ministrin tanıstıru maqsatında, asığıs wyımdastırılğan Aq üy baspasöz mäslihatında Tramp BAQ-tıñ sının elemesten, özi qwrğan ükimetti «Däldigi joğarı baptau maşinası» dep maqtağan. Kerisinşe Uaşingtondağı köptegen twlğalar olardıñ jasağan qatelikterin sınğa aluda. Al Tramptıñ tüsindiruinşe jwrt sınındağı isterdiñ bäri de özinen bwrınğı biliktiñ qaldırğan kemşilikteri bolsa kerek. Ol sözinde: «Aldınğı bilikten meniñ qolıma ötkeni – el işi-sırtındağı, bılıqpalıqqa tolı astañ-kesteñ jağdaylar», – dedi.

Mäslihat barısında kelesi aptada prezidenttiñ köşi-qondı şekteu turalı jaña jarlıq şığaratını belgili bolğan. Sonımen qatar, naurız ayınan bastap densaulıq saqtau salasında bwrınğı ükimetten qalğan jüyeni jañalau josparı atqarılmaq. Al, odan keyingi kezekte salıq jüyesin reformalau jäne basqa da josparlar orındaludı kütip twr.

Alayda bwl retki baspasöz keñesiniñ bastı erekşeligi retinde, Aq üydiñ qazirgi zaman tarihında körinbegen özin aqtau men aybar şeguiniñ ayqın körindi. Mümkin, ol ädeyi osınday sıñar ezulik arqılı, bir ay boyı basqaru jüyesimen kürese kelip, soñında öziniñ saylau kezindegi energiyasına qayta oralıp, auqımdı reformaların jürgizbek. Dese de, Tramptı tüsinu bılayğı jwrtqa oñay bolmay twr. Aytalıq, ol sözinde: « Teledidarda, basılımdarda sınap-mineuge tolı pikirler tau-teñiz bolsa da, men jaman adam emespin», - degen edi. Amerikalıqtardıñ bar ümiti osı sözde qalmas bwrın, Tramp ta özin oñdı jaqtardan körsetui tiis. Şın mänisinde ol Aq üy baqılauınan şığıp, derbes sayasatpen nemese pikir almasumen aynalısıp twrğan joq. Onıñ mınaday degen sözi bar: « Ejelden beri prezidentter qısqa ğana ökiletti merziminde ülken is tındıruğa ülgergen joq. Biz tipti ülken isti bastamay jatıp, özimizden keyingi dayındap berip otıramız».

Bizdiñ oyımızşa da Tramptıñ bar maqsatı, osılay älemdi dürbeleñge salatın qiyañqı minezben jwrttı şarşatu emes ekeni anıq. Ol öziniñ basqaru jüyesimen küresude. Bwl küres qanşa uaqıtqa sozıladı jäne odan keyingi amerikalıq qoğamnıñ damuı men ekonomikasınıñ tıñ qarqın aluı qanşalıq iske asadı? Bwl swraqtarğa äzirge eşkim kesimdi jauap bere almaydı. Tağına otırğalı resmi is-saparına şığuğa mwrsatı joq Tramptıñ oylağan oyı, onıñ şulı dübiriniñ tasasında jatuı bek mümkin.

“The Qazaq Times”