AQŞ-tağı prezident saylauında demokrattardıñ ümitkeri Jozef Bayden basım tüskenimen, Aq üy tarabında bilikti ötkizip beru turasında eşqanday äreketter jasalıp jatqan joq. Tramp äkimşiligi qalıptı jwmısın jalğastırıp, aldağı jıldarğa belgilengen strategiyalarğa qatıstı qadamdarın jasauda.

Respublikaşıldarğa jaqtas Washington Post basılımı Tramp äkimşiligi 2022 jıldıñ byudjeti josparlauğa kirisip ketkenin jazdı. Odan özge de aldağı jıldarğa arnalğan strategiyalarğa qatıstı qadımğı qadamdarın jasap jatqanı turalı da özge basılımdar habarlauda.

Memlekettik hatşı Maykl Pompeo bolsa «zañdı dauıstar» qayta sanalıp bolğannan keyin, Tramp ekinşi merzim prezidenttik qızmetin qalıptı atqara beretinin aytqan.

Al, Jozef Bayen 20 qañtarğa belgilengen innauguraciyağa dayındalıp jatır. Alayda qazirgi Tramp administraciyası bilikti ötkerip beru turasındağı eşqanday qadam jasamasa, jaña prezidentke arnayı jwmıs keñsesin dayındau, baylanıs qwraldarı jäne özgede qajettikterin wyımdastıru mümkin emes.

Bayden öziniñ mälimdemesinde Tramptıñ kezdesuden bas tartuı jäne saylaudıñ qorıtındısın moyındamay twrğanı, sonday-aq, äkimşiligi tarabınan eşqanday bilikti ötkerip beru dayındıqtarına kirispeui ıñğaysız jağdayğa qaldırğanın aytqan.

Qazirge deyin eşbir ştatta saylau nätijesi tolıq äri resmi twraqtanğan joq. Alayda, byulletenderdiñ 90 payızı sanalıp boldı. Respublikaşıldardıñ arızımen keybir ştattarda dauıstar qayta sanalıp jatqanın amerikalıq basılımdar jazıp jatır. Biraq, prezident Tramptıñ zañgerleri joldağan köptegen arız keri qaytarılğan.

Düysenbi küni Respublikaşıldar partiyasınıñ lideri Mitç Mokonnel Tramptıñ dauıs beru nätijesi boyınşa sotqa jüginuge qwqığı bar ekenin ayttı. Osılayşa, saylau ayaqtalğanımen, AQŞ-tıñ kezekti prezidentiniñ anıq kim bolatını äli düdämal küyde twr.

“The Qazaq Times”