ترامپتىڭ كوزدەگەنى، ءوزى تۋدىرعان دۇربەلەڭىنىڭ تاساسىندا جاتىر

اقش. اق ۇيدەگى كەشەگى (16 اقپان، بەيسەنبى ) وتكەن تارتىسقا تولى ءباسپاسوز ءماسليحاتىندا، جۋرناليستەر ترامپتان كەڭەسشىسى مەن رەسەي ەلشىسى اراسىنداعى بايلانىس تۋرالى جارىتىپ جاۋاپ الا الماعانىنا نارازى. بۇل رەتكى ءباسپاسوز ءماسليحاتى ۇكىمەتتىك شەكسىز وكتەمدىگىن بايقاتتى دەيدى ءباسپاسوز كونفەرەنتسياسىندا بولعان «The New York Times» باسىلىمىنىڭ جۋرناليستەرى.

جاڭا ەڭبەك ءمينيسترىن تانىستىرۋ ماقساتىندا، اسىعىس ۇيىمداستىرىلعان اق ءۇي ءباسپاسوز ءماسليحاتىندا ترامپ باق-تىڭ سىنىن ەلەمەستەن، ءوزى قۇرعان ۇكىمەتتى «دالدىگى جوعارى باپتاۋ ماشيناسى» دەپ ماقتاعان. كەرىسىنشە ۋاشينگتونداعى كوپتەگەن تۇلعالار ولاردىڭ جاساعان قاتەلىكتەرىن سىنعا الۋدا. ال ترامپتىڭ تۇسىندىرۋىنشە جۇرت سىنىنداعى ىستەردىڭ ءبارى دە وزىنەن بۇرىنعى بيلىكتىڭ قالدىرعان كەمشىلىكتەرى بولسا كەرەك. ول سوزىندە: «الدىنعى بيلىكتەن مەنىڭ قولىما وتكەنى – ەل ءىشى-سىرتىنداعى، بىلىقپالىققا تولى استاڭ-كەستەڭ جاعدايلار»، – دەدى.

ءماسليحات بارىسىندا كەلەسى اپتادا پرەزيدەنتتىڭ كوشى-قوندى شەكتەۋ تۋرالى جاڭا جارلىق شىعاراتىنى بەلگىلى بولعان. سونىمەن قاتار، ناۋرىز ايىنان باستاپ دەنساۋلىق ساقتاۋ سالاسىندا بۇرىنعى ۇكىمەتتەن قالعان جۇيەنى جاڭالاۋ جوسپارى اتقارىلماق. ال، ودان كەيىنگى كەزەكتە سالىق جۇيەسىن رەفورمالاۋ جانە باسقا دا جوسپارلار ورىندالۋدى كۇتىپ تۇر.

الايدا بۇل رەتكى ءباسپاسوز كەڭەسىنىڭ باستى ەرەكشەلىگى رەتىندە، اق ءۇيدىڭ قازىرگى زامان تاريحىندا كورىنبەگەن ءوزىن اقتاۋ مەن ايبار شەگۋىنىڭ ايقىن كورىندى. مۇمكىن، ول ادەيى وسىنداي سىڭار ەزۋلىك ارقىلى، ءبىر اي بويى باسقارۋ جۇيەسىمەن كۇرەسە كەلىپ، سوڭىندا ءوزىنىڭ سايلاۋ كەزىندەگى ەنەرگياسىنا قايتا ورالىپ، اۋقىمدى رەفورمالارىن جۇرگىزبەك. دەسە دە، ترامپتى ءتۇسىنۋ بىلايعى جۇرتقا وڭاي بولماي تۇر. ايتالىق، ول سوزىندە: « تەلەديداردا، باسىلىمداردا سىناپ-مىنەۋگە تولى پىكىرلەر تاۋ-تەڭىز بولسا دا، مەن جامان ادام ەمەسپىن»، - دەگەن ەدى. امەريكالىقتاردىڭ بار ءۇمىتى وسى سوزدە قالماس بۇرىن، ترامپ تا ءوزىن وڭدى جاقتاردان كورسەتۋى ءتيىس. شىن مانىسىندە ول اق ءۇي باقىلاۋىنان شىعىپ، دەربەس ساياساتپەن نەمەسە پىكىر الماسۋمەن اينالىسىپ تۇرعان جوق. ونىڭ مىناداي دەگەن ءسوزى بار: « ەجەلدەن بەرى پرەزيدەنتتەر قىسقا عانا وكىلەتتى مەرزىمىندە ۇلكەن ءىس تىندىرۋعا ۇلگەرگەن جوق. ءبىز ءتىپتى ۇلكەن ءىستى باستاماي جاتىپ، وزىمىزدەن كەيىنگى دايىنداپ بەرىپ وتىرامىز».

ءبىزدىڭ ويىمىزشا دا ترامپتىڭ بار ماقساتى، وسىلاي الەمدى دۇربەلەڭگە سالاتىن قياڭقى مىنەزبەن جۇرتتى شارشاتۋ ەمەس ەكەنى انىق. ول ءوزىنىڭ باسقارۋ جۇيەسىمەن كۇرەسۋدە. بۇل كۇرەس قانشا ۋاقىتقا سوزىلادى جانە ودان كەيىنگى امەريكالىق قوعامنىڭ دامۋى مەن ەكونوميكاسىنىڭ تىڭ قارقىن الۋى قانشالىق ىسكە اسادى؟ بۇل سۇراقتارعا ازىرگە ەشكىم كەسىمدى جاۋاپ بەرە المايدى. تاعىنا وتىرعالى رەسمي ءىس-ساپارىنا شىعۋعا مۇرساتى جوق ترامپتىڭ ويلاعان ويى، ونىڭ شۋلى ءدۇبىرىنىڭ تاساسىندا جاتۋى بەك مۇمكىن.

“The Qazaq Times”