Soltüstik Koreya lideriniñ qarındası jäne eldegi eñ joğarı lauazımdı twlğalardıñ biri Kim Io Joñ. Foto: Yonhap.

22 mausım, seysenbi küni Soltüstik Koreya lideriniñ qarındası AQŞ lauazımdılarınıñ kelissözderdi qayta bastau turalı wsınısın keleke etip mälimdeme jasadı. Kim Joñ Unnıñ qarındası äri eldegi bilik partiyası OK hatşısınıñ orınbasarı Kim Io Jin bwnday mälimdemesin eldegi eñ iri resmi aqparat arnası arqılı jasağan.  

Ötken aptanıñ soñında Jo Baydenniñ wlttıq qauipsizdik jönindegi keñesşisi Jeyk Sallivan AQŞ-Soltüstik Koreya qarım-qatınası turalı mälimdeme jasap, kelissözderdi qayta bastau turalı wsınıstı alğa tartqan edi. Kim Io Joñ (Kim Yo-Jong) kezekti mälimdemesi Jeyk Sallivanğa bergen jauap qatarında bağalandı.

Sallivannıñ mälimdemesinen bwrın Soltüstik Koreyanıñ eñ joğarı basşısı Kim Joñ Un Jwmısşı partiyası Ortalıq komitetiniñ jinalısında AQŞ-qa qaratqan poziciyada «kelissözge de, qarsılasuğa da dayın bolu» kerek degen mağınada mälimdeme jasağan bolatın. Aq üydiñ wlttıq qauipsizdik jönindegi keñesşisi Sallivan amerikalıq telearnalardıñ Kim Joñ Unnıñ mälimdemesin «qızıqtı signal» dep bağalağan edi.

Al, Kim Io Joñ AQŞ lauazımdıların «bos qiıl», «qwr arman» qualap otır dep keketken. Ol söz arasında: «Soltüstik Koreyada “arman ärine jaqsı, biraq ol eşteñege jaramaydı” degen söz bar. Amerika Qwrama Ştattarı söylesuler arqılı masturbaciya jasap armandarın jüzege asırğan boladı», – deytin pikirin jetkizgen.

Kim Io Joñnıñ kezekti mälimdemesi AQŞ-tıñ Soltüstik Koreya isteri boyınşa jaña tağayındalğan arnayı ökili Sun Kimniñ Oñtüstik Koreya men Japoniyağa saparı qarsañında jasalıp otır. Sun Kim osı aptada Oñtüstik Koreya prezidenti Mün Jaynmen kezdesip, Soltüstik Koreyanıñ mäselesi turalı talqılaydı dep kütilude. Ol saparınan bwrın Pioñyañğa qarata «kez-kelgen uaqıtta, kez-kelgen jerde eşqanday alğışartsız kezdesu nemese söylesuge dayın ekenin», aldağı uaqıtta Soltüstik Koreya tarabınan «osınday wsınıs jasaladı dep ümittenetinin» aytqan bolatın.

Kim Io Joñnıñ kezekti mälimdemesi AQŞ-Soltüstik Koreya qatınasında äli de kürdeli tüsinispestiktiñ jatqanın körsetti. Soltüstik Koreyanı bilep otırğan äulettiñ ökili, äri biliktegi mañızdı adamdardıñ biri bolğan Kim Io Joñ eldiñ sırtqı sayasatın belgileuşı ekeni de ayrıqşa nazar audartadı.

“The Qazaq Times”