Europalıq keñes basşısı Donal'd Tusk jäne Ukraina prezidenti Petr Poroşenko. Foto: 24segodnya

Ukraina aldağı uaqıtta NATO men Europalıq Odaqqa müşe bolmaq.

Odaqqa qosılu turalı zañ jobasın prezident Petr Poroşenko wsınıp, Ukrainanıñ Konstituciyalıq sotı bwl şeşimdi maqwldağan. Aldımen birşama reformalar jüzege asuı tiis. Poroşenko memlekettiñ 2030 jılğa deyin barlıq salada tas-tüyin dayın bolatındığın ayttı. Osığan deyin NATO-nıñ parlamenttik assambleyası «agressorlıq Reseydiñ qauip-qaterine qarsı twru üşin» Ukrainanı al'yansqa qosudı talqılağan. Alayda, Mäskeu tarapı Şığıs Europada basqınşılıq sayasat jürgizip otırğanın tübegeyli joqqa şığardı.

2013 jılı Euromaydan dep atalğan jappay halıq tolquına qatısqandar Ukrainanıñ Europa Odağına qosıluın talap etken. Sonday-aq Ukrainanıñ wltşıldar wyımı (OUN) Reseyden irgeni aulaq wstap, europocentrizmge bet alu kerektigin birneşe ret eskertken. Biraq 2014 jılğı Qırım anneksiyasınan soñ Resey tarapı Ukrainanı «uıstan» şığarmauğa tırısıp baqtı. Qanşa degenmen Ukraina da qwr qalğan joq: Mäskeumen aradağı birneşe baylanısqa nükte qoydı. Mäselen, biılğı jıldıñ qırküyeginde prezident Petr Poroşenko Ukraina men Resey arasındağı Dostıq, Intımaqtastıq jäne seriktestik kelisiminiñ küşin joyu turalı jarlıqtı qabıldadı. Al qazannan bastap Ukrainanıñ Jitomir oblısı orıstildi mädeni önimderge tolıqtay tıyım salğan bolatın. Tıyım aktisi boyınşa, orıstildi bağdarlama, fil'mderdi körsetuge, aqparattardı jariyalauğa bolmaydı. Sonday-aq, reseylik önerpazdardıñ gastrol'dik saparmen keluine de qatañ tıyım salınğan. Qarsılıq şaralar men zañdar «Resey Ukraina aumağın basıp aludan tolıqtay bas tartpayınşa» öz küşin joymaydı.

Bir sözben aytqanda, Ukraina europalıq bağıtqa qadam baspaq. Qazirdiñ özinde Ukraina NATO-men birlesken äskeri jattığulardı jii ötkizedi. Sol sebepten de Resey NATO-nıñ Şığıs Europağa qaray wlğayuına qarsı bolu maqsatında auqımdı äskeri jattığu ötkizip keledi.

"The Qazaq Times"