Europalıq Armiya qwrıluı mümkin. Foto: YouTube.

Europa Odağı Sırtqı ister jäne qauipsizdik jönindegi arnayı ökili Federika Mogerini Franciya prezidenti ortağa salğan «Europa armiyasın» qwru isin qolğa alıp jatqandarın mälimdedi.

EO-ğa müşe elderdiñ qorğanıs ministrleri Bel'giyanıñ ortalıq qalası Bryussel'de bas qostı. Qorğanıs ökilderi men sırtqı ister ministrlikteriniñ keñesinen keyin jasalğan mälimdemede «Europa armiyasın» qwru isteri qolğa alınğanı belgili boldı.

Mogerinidiñ aytuınşa, Europa elderiniñ qorğanıs salasındağı talpınıstarı NATO öñirdegi atqarğan jwmıstarımen üylestiru bastı maqsat etilgen. Sebebi, Europa armiyası qwrılıp, ol EO-ğa müşe elderdiñ qauipsizdigin tolıq qamtamasız ete alğanğa deyin, atalğan odaq NATO-nıñ qorğauınan qol üze almaydı.

Osıdan bwrın NATO  bas hatşısı Stoltenberg «Europalıq armiya» NATO-ğa balama küş bola almaytının aytqan. YAğni, ol Europa qauipsizdigi wzaq uaqıtqa deyin NATO-dan qol üze almaydı. EO tarabı «Europalıq armiya» qwru NATO-nıñ bwndağı atqarğan jemisti qızmetin tipti de tolıqtıra tüsedi degendi alğa tartuda.

«Biz Europa armiyasın qwruğa talpınıp otırmız. Alayda, bwl jerde eşkim bwl turalı söz qozğamay otır. Müşe elderdiñ öñirde jäne älemdegi qauipsizdikti saqtauda tipti de köp mümkindikterge jetui üşin investiciya saluımız kerek», – dedi Federika Mogerini.

“The Qazaq Times”