Ukraina Bas prokuraturası qızmetkeriniñ sözine qarağanda, Özbekstannıñ Bas prokuraturası Islam Kärimovtıñ äyeliniñ nemere inisi, 33 jastağı Akbarali Abdullaevtı ekstradiciyalaudı swrağan. Bwl aqparattı Özbekstannıñ Bas prokuraturası rastadı dep jazadı "Ortalıq Aziya habar qızmeti".
Özbekstan Bas prokuraturasınıñ ayıptau qorıtındısına säykes, Akbarali Abdullaevqa milliondağan qarjını qılmıstıq jolmen jımqırdı, kiristi zañdastırdı jäne şetel valyutasın saqtadı degen ayıptar tağılğan. 33 jastağı Akbarali Abdullaevqa Özbekstannıñ Bas prokuraturası tarapınan halıqaralıq izdeu jariyalanğan.
2013 jıldıñ 10 qazanında Abdullaevqa auır ekonomikalıq qılmıs jasadı degen ayıp tağılıp, Islam Karimovtiñ tikeley bwyrığımen twtqındalğan. 2014 jıldıñ qaraşa ayında ol 15 jılğa sottalğan. Keyinnen oğan 6 jıl, 6 ay jaza tağayındaldı.
Türmede eki jarım jıl otırğan Abdullaev merziminen bwrın şarttı bostandıqqa şıqqan. Alayda 2016 jıldıñ 2 qırküyeginde Islam Karimov qaytıs bolğannan keyin, ol elden zañsız qaşıp ketken.
Üstimizdegi jıldıñ 14 qañtarında Abdullaev Kiev äuejayında twtqındalğan.
Kievtegi Solomensk audandıq sotında Akbarali Abdullaev pen onıñ advokatı Özbekstan biligi qozğap otırğan qılmıstıq istiñ negizsiz ekenin aytqan. Abdullaev qılmısı üşin jazasın ötegenin, özin Özbekstanğa jibermeuin ötinip, ondağı türmelerde ayausız azaptaydı degen.
«The Qazaq Times»
Qosay Mahambaev: oq tigen adamdı qwtqaram degende özimdi atıp tastadı
Redidenciya sotı. Serik Kekilbaev: Meniñ äreketterimde qılmıstıñ qwramı joq
Karaneev: Tağılğan ayıptıñ eşqaysısın moyındamaymın
rezidenciya isindegi sud'ya men belsendiniñ aytısı
9 aydıñ işinde Almatı men Jetisu oblıstarında qwrılısı ayaqtalğan joldardan 481 aqau anıqtalğan
Otanğa oralğan qandas beyimdelui nemese Qandastar men Qazaqstandağı migranttardı aqparattıq qoldau jäne äleumettik beyimdeudiñ media-strategiyası