Bayqoñır foto: express-k.kz

NASA men «Roskosmos» birigip apat bolğan «Soyuz-FG» kemesiniñ barlıq bölşekterimen jwmıstarın bitirdi. Osığan baylanıstı Halıqaralıq kosmos beketinen kelesi ekipajdardı wşıruğa dayın ekendikterin mälimdegen. Bwl turalı NASA-nıñ pilotir bağdarlamaları boyınşa basşısınıñ orınbasarı Uil'yam Gerstenmayer habarladı.

«Biz öte tığız baylanısta jwmıstar atqarudamız. Birneşe ret kezdesip, Mäskeude de osı swraqtar boyınşa eki-üş märte boldım. Köptegen aqparattarmen bölisip «Roskosmospen» birge kelesi ekipajdardı wşıruğa dayınbız. NASA jäne «Roskosmos» komissiya müşeleri barlıq tekserudi tolıqtay ayaqtap, kelesi ret qaytalamas üşin ärbir bölikti jete nazarda wstadıq» dep mälimdedi.

Zamanaui Resey tarihındağı alğaşqı oqiğa 11 qazan küni apattı jağdaymen ayaqtalğan bolatın. «Soyuz-FG» zımıranın tasmaldauşı «Soyuz MS-10»  kemeni ğalamğa şığara almağan. Biraq, Halıqaralıq Kosmos Stanciyasınıñ kosmonavtardı arnayı tüsirgiş apparattarı arqılı ekipaj müşelerin din aman jerge tüsiruine mümkin bolğan.

Atalğan tapsırma boyınşa kökke köterilgen reseylik Aleksey Ovçinin men amerikalıq Nik Heygke eşqanday qauip töngen joq. Ovçinin üşin bwl mansap jolındağı ekinşi retki wşuı. 2016 jılı kosmosta 172 täulik ötkizse, Heygtiñ alğaşqı saparı sätsizdikpen ayaqtaldı.

Keyinnen arnayı komissiya müşeleri apattıñ negizi sebebi tört jaqtı datçiktiñ biriniñ isten şıqqandığı ekendigin aytqan. Onı kemeni jinau barısında kosmodromda mayıstırıp jibergen. Büyirdegi datçiktiñ jwmıs istemeuinen tütindep, keyinnen qışqıldanğan.

Endi alda wşırıluğa dayındalıp jatqan zımıran kemesinen bwl olqılıqtardıñ barlığı joyıladı dep NASA ökilderi senimdi türde mälimdep otır.

"The Qazaq Times"