بايقوڭىر فوتو: express-k.kz

ناسا مەن «روسكوسموس» بىرىگىپ اپات بولعان «سويۋز-فگ» كەمەسىنىڭ بارلىق بولشەكتەرىمەن جۇمىستارىن ءبىتىردى. وسىعان بايلانىستى حالىقارالىق كوسموس بەكەتىنەن كەلەسى ەكيپاجداردى ۇشىرۋعا دايىن ەكەندىكتەرىن مالىمدەگەن. بۇل تۋرالى ناسا-نىڭ پيلوتير باعدارلامالارى بويىنشا باسشىسىنىڭ ورىنباسارى ۋيليام گەرستەنمايەر حابارلادى.

«ءبىز وتە تىعىز بايلانىستا جۇمىستار اتقارۋدامىز. بىرنەشە رەت كەزدەسىپ، ماسكەۋدە دە وسى سۇراقتار بويىنشا ەكى-ءۇش مارتە بولدىم. كوپتەگەن اقپاراتتارمەن ءبولىسىپ «روسكوسموسپەن» بىرگە كەلەسى ەكيپاجداردى ۇشىرۋعا دايىنبىز. ناسا جانە «روسكوسموس» كوميسسيا مۇشەلەرى بارلىق تەكسەرۋدى تولىقتاي اياقتاپ، كەلەسى رەت قايتالاماس ءۇشىن ءاربىر بولىكتى جەتە نازاردا ۇستادىق» دەپ مالىمدەدى.

زاماناۋي رەسەي تاريحىنداعى العاشقى وقيعا 11 قازان كۇنى اپاتتى جاعدايمەن اياقتالعان بولاتىن. «سويۋز-فگ» زىمىرانىن تاسمالداۋشى «سويۋز مس-10»  كەمەنى عالامعا شىعارا الماعان. بىراق، حالىقارالىق كوسموس ستانتسياسىنىڭ كوسموناۆتاردى ارنايى تۇسىرگىش اپپاراتتارى ارقىلى ەكيپاج مۇشەلەرىن ءدىن امان جەرگە تۇسىرۋىنە مۇمكىن بولعان.

اتالعان تاپسىرما بويىنشا كوككە كوتەرىلگەن رەسەيلىك الەكسەي وۆچينين مەن امەريكالىق نيك حەيگكە ەشقانداي قاۋىپ تونگەن جوق. وۆچينين ءۇشىن بۇل مانساپ جولىنداعى ەكىنشى رەتكى ۇشۋى. 2016 جىلى كوسموستا 172 تاۋلىك وتكىزسە، حەيگتىڭ العاشقى ساپارى ساتسىزدىكپەن اياقتالدى.

كەيىننەن ارنايى كوميسسيا مۇشەلەرى اپاتتىڭ نەگىزى سەبەبى ءتورت جاقتى داتچيكتىڭ ءبىرىنىڭ ىستەن شىققاندىعى ەكەندىگىن ايتقان. ونى كەمەنى جيناۋ بارىسىندا كوسمودرومدا مايىستىرىپ جىبەرگەن. بۇيىردەگى داتچيكتىڭ جۇمىس ىستەمەۋىنەن تۇتىندەپ، كەيىننەن قىشقىلدانعان.

ەندى الدا ۇشىرىلۋعا دايىندالىپ جاتقان زىمىران كەمەسىنەن بۇل ولقىلىقتاردىڭ بارلىعى جويىلادى دەپ ناسا وكىلدەرى سەنىمدى تۇردە مالىمدەپ وتىر.

"The Qazaq Times"