NATO küşteri. Foto: NATO.

Franciya prezidentiniñ Emmanuel' Makron alğa qoyğan jäne qazir EO elderinde qızu talqıdağı Europa armiyasın qwru turalı bastamağa, NATO bas hatşısı öz pikirin bildirdi. Yens Stoltenberg Germaniya basılımdarınıñ birine bergen swhbatında atalğan «Europalıq Armiyanıñ» NATO-ğa balama bola almaytının ayttı.

Wyımnıñ bas hatşısı Stoltenberg sözinde: «Europanıñ bwl talpınısı meni quantadı. Bwl NATO-nıñ jügin jeñildetedi. Eñ mañızdısı Europanıñ qorğanıs quatınıñ bölşektenuden saqtap qalar edi. Degenmen, Europa armiyasınıñ boluı NATO-ğa al'ternativa emes», – dedi.

Kezekti swhbatında Stoltenberg Europa armiyasın qwru bastamasınıñ  NATO-ğa Europa qanatın küşeytudi eskertumen birdey ekenin rastaydı.

Francuzdıñ jas prezidenti alğa qoyğan bastama, NATO-ğa öz ıqpalın tigizui mümkin. Qazir NATO sındı alıp qorğanıs ıntımaqtastığın  ülken özgerister kütip twrğanı anıq bayqaladı. AQŞ tağına Tramp kelgennen beri, NATO-ğa Uaşingtonnıñ qabağı bwrınğıday bolmay qaldı. Tramp ükimeti Europa men özge öñirlerdegi elderdiñ qauipsizdigine köbirek kerekti wyımğa, Qwrama Ştattıñ artığımen qarjı böluin ädildik dep sanamadı.

Qwrama Ştat öziniñ Tınıq mwhittağı äriptesi Qıtaymen tuıluı ıqtimal qaqtığısqa nazar audaruı kerek dep taptı. Al, qwramında sonşama köp eldiñ boluı da bwl wyımnıñ jauapkerşiligi men qızmetin auırlata tüsti.  Äri, Reseyden tönetin qauip pen terrorizm qaupi Europanıñ wyqısın bwzuda. Europalıq armiya qwru bastamasınıñ köteriluine de bwl negizgi sebep boldı.

“The Qazaq Times”