Foto: pohnews.org

Juırda ötkizilgen saualnamanıñ nätijelerine säykes, Serbiya men Resey halqınıñ basım böligi Soltüstik Atlantikalıq Şart Wyımı NATO-nı Europanıñ şığısına qauip-qater töndirip twr dep sanaydı. Bwl turalı ParsToday habarladı.
13 aqpandağı “Nemis äskeri Reseydiñ "esik aldına" deyin keldi” degen attı jazbamızda osı turalı toqtalğan edik.

IRNA-nıñ habarlauınşa, seysenbi küni Gallup amerikalıq qoğamdıq pikir institutı  jariyalağan saualnamanıñ nätijeleri keybir europalıq elderdiñ, sonıñ işinde, Serbiya men Resey halqınıñ basım böliginiñ NATO-nı qater dep sanaytının körsetti.

Osı saualnamanıñ nätijesinen belgili bolğanday, Serbiya halqınıñ tek altı payızı ğana NATO-nıñ öz elin qorğaytındığına senimdi. Alayda bwl el halqınıñ 64 payızı NATO-nıñ Europanıñ şığısı men öz eline qauip-qater töndirip twrğanı turalı pikir bildirgen.

Reseyde de halıqtıñ 67 payızı NATO wyımın qauip dep atap, tek 3 payızı ğana onı öz elderin qorğaytın wyım dep mälimdese, halıqtıñ 20 payızı bwl mäselege nemqwraydılıq tanıtqan.

 “The Qazaq Times”