ناتو – ەۋروپانىڭ شىعىسىنا ءتونىپ تۇرعان قاتەر

جۋىردا وتكىزىلگەن ساۋالنامانىڭ ناتيجەلەرىنە سايكەس، سەربيا مەن رەسەي حالقىنىڭ باسىم بولىگى سولتۇستىك اتلانتيكالىق شارت ۇيىمى ناتو-نى ەۋروپانىڭ شىعىسىنا قاۋىپ-قاتەر ءتوندىرىپ تۇر دەپ سانايدى. بۇل تۋرالى ParsToday حابارلادى.
13 اقپانداعى “نەمىس اسكەرى رەسەيدىڭ "ەسىك الدىنا" دەيىن كەلدى” دەگەن اتتى جازبامىزدا وسى تۋرالى توقتالعان ەدىك.

يرنا-نىڭ حابارلاۋىنشا، سەيسەنبى كۇنى Gallup امەريكالىق قوعامدىق پىكىر ينستيتۋتى  جاريالاعان ساۋالنامانىڭ ناتيجەلەرى كەيبىر ەۋروپالىق ەلدەردىڭ، سونىڭ ىشىندە، سەربيا مەن رەسەي حالقىنىڭ باسىم بولىگىنىڭ ناتو-نى قاتەر دەپ سانايتىنىن كورسەتتى.

وسى ساۋالنامانىڭ ناتيجەسىنەن بەلگىلى بولعانداي، سەربيا حالقىنىڭ تەك التى پايىزى عانا ناتو-نىڭ ءوز ەلىن قورعايتىندىعىنا سەنىمدى. الايدا بۇل ەل حالقىنىڭ 64 پايىزى ناتو-نىڭ ەۋروپانىڭ شىعىسى مەن ءوز ەلىنە قاۋىپ-قاتەر ءتوندىرىپ تۇرعانى تۋرالى پىكىر بىلدىرگەن.

رەسەيدە دە حالىقتىڭ 67 پايىزى ناتو ۇيىمىن قاۋىپ دەپ اتاپ، تەك 3 پايىزى عانا ونى ءوز ەلدەرىن قورعايتىن ۇيىم دەپ مالىمدەسە، حالىقتىڭ 20 پايىزى بۇل ماسەلەگە نەمقۇرايدىلىق تانىتقان.

 “The Qazaq Times”