Baqıtjan Sağıntaev vice- wlttıq ekonomika ministrine sögis jariyaladı.

Bügin Astana qalasında ötken Ükimet otırısında prem'er-ministr Baqıtjan Sağıntaev Wlttıq ekonomika vice-ministri Serik Jwmanğaringe monopolisterdiñ zañ ayasında jwmıs istemeuine baylanıstı sögis jariyaladı.

«Eki aptadan keyin bwl mäseleni osı jerde qaraytın bolamız. Bwl jwmıs prokuraturamen birlesip jüzege asuı tiis. Wlttıq ekonomika ministrligi byudjetten monopolisterge subsidiya retinde bölingen qarajattıñ qayda jäne qalay jwmsalğandığına esep berui kerek. Monopoliyağa qarsı agenttik jwmısın retteuge baylanıstı ministrlik bastamasın tolıqtay qoldaymın. Meniñ jarlığım boyınşa, osı jwmıstıñ bası-qasında jürgen Wlttıq ekonomika vice-ministri Serik Jwmanğaringe sögis jariyalandı» - dep mälimdedi Sağıntaev.

Bwğan deyin 7 qaraşa küni ötken Qauipsizdik keñesiniñ kezekti otırısında prezident Nwrswltan Nazarbaev twrğın üy-kommunaldı qızmet türleri bağasınıñ şamadan tıs qımbat ekendigin aytıp, bağanı sebepsiz qımbattatqan monopolisterdi jazalaytındığın mälimdegen.

Ayta ketetin bir jayıt, osıdan bir jıl bwrın Nwrswltan Nazarbaevtıñ wsınısı boyınşa kommunaldı qızmet tarifteri qımbattağan.

"The Qazaq Times"