2019 jıldıñ 1 qañtarınan bastap äyel adamdardıñ zeynet jası 59-ğa köterilmek. Sebebi, birneşe jıl bwrın qabıldanğan zañ boyınşa olardıñ zeynet jası jıl sayın jartı jıldan ösip otıradı. Osılayşa 2027 jılı qazaqstandağı äyelder de 63 jasında öziniñ jwmıs jolın tolığımen ayaqtamaq.  Mwnday özgeris qazirgi tañda 1960 pen 1964 jıldar aralığında tuğan qazaqstandıq azamatşalarğa qatıstı.

Keybir zañ erejelerine say qazaqstandıqtar zeynet jasına erte şığu da qarastırılğan. Semey yadrolıq qaru poligonında ömir süretin äyelder 45 jasında zeynetke şıqsa, 5 jäne odan da köp balası bar analar 53 jasta zeynetke şığa aladı.  Sonımen qatar zeynetaqı qorındağı qarajatı jetkilikti bolğan äyelder de 50 jasında öz erkimen jwmıstan bosauına mümkindigi bar. 2018 jılı bwl somma 13,5 million teñgeni qwrağan bolatın.

Al, «Eximar» forsayting agenttiginiñ direktorı Ayman Twrsınhan öziniñ zeynetaqı qorı turalı oyınıñ mülde ekendigin aytqan edi.

“Zeynetaqı qorındağı qarjı qaupi tım joğarı obligaciyalarğa, qwldıraudıñ aldında twrğan bankterge jäne byudjet deficitin jamauğa jwmsaladı. Salımşılardıñ qarjısı jwmıs istemeydi. Qordan aqşa alatındar sanı bes jıldan beri ösip keledi. 2015 jılğa deyin zeynetaqı qorı salımdardı jinap kelse, endi jıl sayın qarjınıñ 30 payızın jwmsaytın boldı. Jaña salımşılardıñ kelui bäseñ. Bwl tayau bes jılda BJZQ-nıñ aqşasınıñ tausıluına äkep soğadı” dep mälimdegen bolatın.

"The Qazaq Times"