Gorbaçev: Älemge tönip twrğan eñ bastı qauip - jaña qarulanu jarısı

Keñester odağınıñ alğaşqı jäne soñğı prezidenti Mihail Gorbaçev: «Älemge tönip twrğan eñ bastı qauip - jaña qarulanu jarısı» - dep mälimdedi.

Qaraşa ayınıñ 8-i küni germaniyalıq rejisser Verner Gercog pen wlıbritaniyalıq dokumentalist Andre Singerdiñ Keñester odağınıñ alğaşqı jäne soñğı prezidenti turalı tüsirgen filiminiñ twsau keserinde Gorbaçev atındağı qordıñ baspasöz hatşısı Pavel Palajçenko eks-prezidenttiñ hatın oqıdı.

Hatta Mihail Gorbaçev qazir älemde bolıp jatqan jappay qarulanu jarısına qatıstı öz oyın aytqan. Ol onda: «Qazir biz älemdi artqa laqtırıp tastaytın äreketterdi körip otırmız. Älemge tönip twrğan eñ bastı qauip – jaña qarulanu jarısı. Bügingi tañda yadrolıq soğıstı qalıptı jağday retinde talqılauda. Oğan nemqwraylı qarap, soğısqa dayındıq jwmıstarın jürgizude. Bwdan arı baratın jol joq. Men yadrolıq soğıstı toqtatuğa bolatınına senemin jäne soğan bar küş-jigerimdi jwmsaymın» - degen.

Esteriñizge salayıq, bwğan deyin Mihail Gorbaçev AQŞ prezidenti Donal'd Tramptıñ Reseymen aradağı zımıran kelisiminen şığuın ülken qatelik dep bağalap, älem jaña jappay qarulanu jarısına ayaq bastı dep mälimdegen. AQŞ pen Keñester odağı atalmış kelisimge 1987 jılı Mihail Gorbaeçev prezident bolıp twrğan twsta qol qoyğan.

"The Qazaq Times"