Qazaqstan men Qıtay arasındağı eksport foto: Informburo.kz

Aldağı eki jıl işinde Qazaqstan  Qıtayğa qaray 20-dan astam auılşaruaşılıq önimderin eksporttaytın boladı. Bwl turalı Auılşaruaşılıq ministrligi habarlap otır.

Mekeme basşısı Ömirzaq Şükeev Qıtayğa bağıttalğan is-saparı kezinde atalğan memlekettiñ Kedendik baqılau orınıñ basşısı YUi Guanjumen kezdesti. Eki lauazımdıları kezdesu barısında aldağı eki jıl işinde Qazaqstannan Qıtayğa eksporttalatın önimderdiñ josparın bekitti. Sonımen birge Jol kartasına qol qoydı.

Qazirge deyin Qıtaymen 13 türli tauar jetkizu jöninde kelisimge qol qoyılğan.  Bwdan bölek, tağı da üş hattama bekitildi. Bwlarğa QR ükimet basşısı Qıtayğa resmi saparı barısında qol qoyatın boladı.

Mälimetke säykes, Qazaqstan Qıtayğa qws önimderin, ettiñ şikidey türleri (qoy, jılqı jäne basqa da) sonımen qatar tiridey iriqaralardı tasmaldaydı. Al, auılşaruaşılıq önimderinen raps, maqsarı, qaraqwmıq, asbwrşaq, bwrşaq, künjit jäne kökönister men jemisterdiñ birneşe türi eksporttalatın boladı.

Qazaqstandıq delegaciya negizinen Qıtay eline China International Import Expo importtıq tauarlar körmesin köruge kelgen. Atalğan şara Halıqaralıq auqımdı oqiğalardıñ biri. Onda 130 eldiñ ärtürli kompaniyaları qatısadı. Şara barısında Qazaqstannıñ özinen 30-ğa juıq kompaniya özderiniñ tağamdıq önimderin tanıstıra aldı.

Körme barısında «Sauda jäne innovaciya» taqırıbındağı forum ötkizildi. Jiınğa türli halıqtardıñ delegaciya basşıları, ükimet ministrleri men Euro Odaq elderiniñ ministrleri qatısqan. Bwdan bölek, ataqtı  Microsoft korporaciyasınıñ negizin qalauşı Bill Geyts jäne Alibaba basşısı Djek Ma (Ma YUn) qatarlılar bar. Sonday-aq Ömirzaq Şükeev öziniñ Qazaqstandağı auılşaruaşılığına investiciya saludıñ paydası turalı bayandamasın wsındı.

Qıtaylıq käsipkerler körme kezinde Pavlodar oblısında qant zauıtın saluğa qızığuşılıq tanıttı. Mwnı arı qaray zertteu üşin, Qıtaydıñ eñ ülken üş kompaniyası jaqın uaqıtta Qazaqstanğa at basın bwrudı josparlap otır.

Bwdan bölek, Astanada astıq öndiru men kespe öndirisin damıtu üşin zauıt qwrılısın bastau turalı qazaqstandıq Qazaq Capital Partners jäne qıtaylıq  Wudeli Flour Group Co. LTD arasındağı kelisim jasaldı.

Jalpı alğanda, auılşaruaşılıq ministrligi Qıtay kompaniyalarınıñ Qazaqstannıñ auılşaruaşılığına ülken qızığuşılıq tanıtıp otırğandığın jäne de bolaşaqta maşina jasau, et öndiru, jem-şöp öndiru, logistika jäne auılşaruaşılıq merketingine investiciya kirgizudi josparlap otırğandığın mälimdedi.

Dese de, mwnday kelisimderdiñ  öz qiındıqtarı bar bolğandığın da ayta ketu kerek. Mısalı, banktıq esepter, arbitrajdar men saqtandıru jäne import pen eksporttı nesiege räsimdeu sındı dünielerden Qazaqstannıñ sırt qalğandığı, Qıtaymen aradağı sauda teñdigin wstauğa mümkindik bermegen. Osılayşa türli talqılaular men ärtürli közqarastar da ornadı. Al, qazirgi kezde sauda-sattıq jüyesiniñ damuı qarqındı türde jürip jatqanımen, Qazaqstan tarapı tolıqtay joğarıdağı mäselelerdi orındadı dep aytu qiın. Sondıqtan, qazirdiñ özinde de atalğan kelisimder tek bir jaqtıñ paydasına jwmıs istep otırğandığı ras.

“The Qazaq Times”