Foto: prsm.md

Soltüstik Atlantikalıq Kelisim Wyımı (NATO) qırği-qabaq soğısınan keyin twñğış ret auqımdı äskeri jattığu ötkizbek.

Reseymen şekaralas jerde ötetin jattığuğa 31 eldiñ äskerleri qatısadı. NATO basşıları bwl ärekettiñ soğıstı qalamaytının jäne Mäskeumen janjaldasudı maqsat etpeytinin ayttı. Auqımdı şarağa avia-tasımaldauşı «Garri Trumen»-niñ 6 mıñ äskerimen qatar jalpı sanı 35 mıñ jasaq qatısadı.

NATO bas hatşısı Yens Stoltenberg: «Qırği-qabaq soğıs jürgizudi qalamaymız. Bizdiñ maqsat basqa. Aymaqtarda oqıs oqiğalardıñ aldın alu üşin  jauıngerlik äzirliktiñ mañızı zor. Al äskerdiñ dayındığın şıñdau üşin oqu, jattığulardı jii ötkizu qajet. Bwdan keyin de Reseymen qarım-qatınas uşığadı dep oylamaymın. Sol sebepti qiınşılıqtarğa qaramastan, Kreml'men birlese jwmıs isteu kerek», – deydi.

Ayta keteyik, osığan deyin Resey 300 mıñnan astam jasaq qosıp, kölemdi äskeri jattığuın Qıtaymen şekaralas jerde jürgizgen bolatın. NATO elderi Resey qarulı küşteriniñ bwl oqu-jattığu jwmıstarına «Mäskeu ülken soğısqa dayındaluda» degen bağa bergen.

"The Qazaq Times"