«Ğalamtordı bwğattaudıñ» artında ne twr?

«Ğalamtordı bwğattaudıñ» artında ne twr?

Qazaqstan ükimeti 28 qazan küni Bas prokuratura, Wlttıq qauipsizdik komiteti, İşki ister ministrligi jäne Qorğanıs ministrligine «ğalamtordı bwğattauğa» qwqıq beretin qaulı şığardı. Qaulığa säykes, joğarıda atalğan qwzırlı organdar «tabiği, äleumettik, tehnogendik nemese tötenşe jağday» orın alğan kezde Respublika boyınşa «internetti bwğattauğa» qwqılı.

Bügin ükimet otırısında Aqparat jäne kommunikaciya ministri Däuren Abaev ta, İİM Qalmwhanbet Qasımov ta, Qorğanıs ministri Nwrlan Ermekov ta atalmış qaulığa baylanıstı jurnalister saualına mardımdı jauap bergen joq. Barlığı «qaulımen tolıq tanısayın», «keyin jauap berem», «zañdı tolıq jariyalaymız sol kezde oqisızdar» dep qısqa ğana qayırdı.

Atalmış qaulı qabıldanbas bwrın Qazaqstanda jıl basınan beri «Facebook», «YouTube», «Instagram» jäne «Telegram» äleumettik jelileriniñ jwmısı jelige oppozciyalıq sayasatker Mwhtar Äblyazov kirgende bayaulap, bwğattaluda. Sarapşılar pikirinşe, biliktiñ bwnday qadamdarğa baruına soñğı jıldarı Qazaqstandağı «Facebook» siyaqtı äleumettik jelilerdegi halıqtıñ azamattıq belsendiliginiñ artuı sebep bolğan.

Ayta ketetin bir jayt, 2014 jılğı Ukrainadağı euromaydan men bıltır Iranda bolğan halıqtıq tolqular däl osı «Facebook» äleumettik jelisinen bastalğan.

"The Qazaq Times"