«عالامتوردى بۇعاتتاۋدىڭ» ارتىندا نە تۇر؟
قازاقستان ۇكىمەتى 28 قازان كۇنى باس پروكۋراتۋرا، ۇلتتىق قاۋىپسىزدىك كوميتەتى، ىشكى ىستەر مينيسترلىگى جانە قورعانىس مينيسترلىگىنە «عالامتوردى بۇعاتتاۋعا» قۇقىق بەرەتىن قاۋلى شىعاردى. قاۋلىعا سايكەس، جوعارىدا اتالعان قۇزىرلى ورگاندار «تابيعي، الەۋمەتتىك، تەحنوگەندىك نەمەسە توتەنشە جاعداي» ورىن العان كەزدە رەسپۋبليكا بويىنشا «ينتەرنەتتى بۇعاتتاۋعا» قۇقىلى.
بۇگىن ۇكىمەت وتىرىسىندا اقپارات جانە كوممۋنيكاتسيا ءمينيسترى داۋرەن اباەۆ تا، ءىىم قالمۇحانبەت قاسىموۆ تا، قورعانىس ءمينيسترى نۇرلان ەرمەكوۆ تا اتالمىش قاۋلىعا بايلانىستى جۋرناليستەر ساۋالىنا ماردىمدى جاۋاپ بەرگەن جوق. بارلىعى «قاۋلىمەن تولىق تانىسايىن»، «كەيىن جاۋاپ بەرەم»، «زاڭدى تولىق جاريالايمىز سول كەزدە وقيسىزدار» دەپ قىسقا عانا قايىردى.
اتالمىش قاۋلى قابىلدانباس بۇرىن قازاقستاندا جىل باسىنان بەرى «Facebook»، «YouTube»، «Instagram» جانە «Telegram» الەۋمەتتىك جەلىلەرىنىڭ جۇمىسى جەلىگە وپپوزتسيالىق ساياساتكەر مۇحتار ءابليازوۆ كىرگەندە باياۋلاپ، بۇعاتتالۋدا. ساراپشىلار پىكىرىنشە، بيلىكتىڭ بۇنداي قادامدارعا بارۋىنا سوڭعى جىلدارى قازاقستانداعى «Facebook» سياقتى الەۋمەتتىك جەلىلەردەگى حالىقتىڭ ازاماتتىق بەلسەندىلىگىنىڭ ارتۋى سەبەپ بولعان.
ايتا كەتەتىن ءبىر جايت، 2014 جىلعى ۋكرايناداعى ەۋرومايدان مەن بىلتىر يراندا بولعان حالىقتىق تولقۋلار ءدال وسى «Facebook» الەۋمەتتىك جەلىسىنەن باستالعان.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى