Älemdegi internetke qatañ cenzura qoyatın elder. Foto: VOA.

Keşe, 25 qazan «Şekarasız jurnalister» wyımı mälimdeme taratıp, Qıtaydıñ ötken aptada şığarğan AQŞ-tıñ Beyne baqılau industriyasınıñ IPVM veb-saytında (IP Video Market / IP beyne narığı) şekteu qoyuın ayıptadı. Osıdan bwrın atalğan sayt Qıtay ükimetiniñ Şınjañda jergilikti twrğındardıñ jüris-twrısın qatañ baqılaytın beyne kameralardı köptep qoyğanın habarlağan bolatın.

«Şekarasız jurnalister» wyımınıñ mälimdemesine qarağanda, Qıtay biligi 19 qazan küni IPVM-tıñ saytına şekteu qoyğan jäne bwl turalı Gavayida ornalasqan sayt basşılığına eşqanday eskertu nemese tüsinikteme bermegen. Atalğan wyımınıñ aytuınşa,  Qıtay ükimetiniñ atalğan sayttı şekteuiniñ sebebi, jazda Qıtaydıñ Hikvision jäne Dahua sındı eki tehnologiyalıq kompaniyasınıñ Şınjañdağı baqılau qwrılğılarımen qamtamasız etkenin jazğan. Atalğan habarda, Şınjañdağı «Üyrenu lagerlerinde» 1 millionğa juıq az sandı wlt ökilderi qamauda otırğanı da aytılğan.

«Şekarasız jurnalister» wyımı Şığıs Aziya böliminiñ direktorı Kedrik Alvianidıñ aytuınşa, atalğan veb-sayt jabılğandıqtan, Qıtaydağı twraqtı jurnalisteri Beyjiñdi tipti de tereñirek tüsinetin, sonday-aq, özin jäne aqparattardı qorğaytın mümkindikterinen ayırılğan.

Halıqaralıq wyım Qıtay ükimetiniñ bwl isi, Beyjiñdegi totalitarlıq biliktiñ küşeyuinen derek beredi dep qaraydı. Sonımen birge, ol aqparattıñ erkin ağındarın bwğattap, adam qwqıqtarınıñ bwzıluın jauıp tastaudıñ zor mümkindigi ekenin aytadı.

“The Qazaq Times”