قىتايداعى ينتەرنەت تسەنزۋراسى: شىنجاڭ ماسەلەسىن كوتەرگەن امەريكالىق سايت بۇعاتتالدى

كەشە، 25 قازان «شەكاراسىز جۋرناليستەر» ۇيىمى مالىمدەمە تاراتىپ، قىتايدىڭ وتكەن اپتادا شىعارعان اقش-تىڭ بەينە باقىلاۋ يندۋسترياسىنىڭ IPVM ۆەب-سايتىندا (IP Video Market / IP بەينە نارىعى) شەكتەۋ قويۋىن ايىپتادى. وسىدان بۇرىن اتالعان سايت قىتاي ۇكىمەتىنىڭ شىنجاڭدا جەرگىلىكتى تۇرعىنداردىڭ ءجۇرىس-تۇرىسىن قاتاڭ باقىلايتىن بەينە كامەرالاردى كوپتەپ قويعانىن حابارلاعان بولاتىن.

«شەكاراسىز جۋرناليستەر» ۇيىمىنىڭ مالىمدەمەسىنە قاراعاندا، قىتاي بيلىگى 19 قازان كۇنى IPVM-تىڭ سايتىنا شەكتەۋ قويعان جانە بۇل تۋرالى گاۆايدا ورنالاسقان سايت باسشىلىعىنا ەشقانداي ەسكەرتۋ نەمەسە تۇسىنىكتەمە بەرمەگەن. اتالعان ۇيىمىنىڭ ايتۋىنشا،  قىتاي ۇكىمەتىنىڭ اتالعان سايتتى شەكتەۋىنىڭ سەبەبى، جازدا قىتايدىڭ Hikvision جانە Dahua سىندى ەكى تەحنولوگيالىق كومپانياسىنىڭ شىنجاڭداعى باقىلاۋ قۇرىلعىلارىمەن قامتاماسىز ەتكەنىن جازعان. اتالعان حاباردا، شىنجاڭداعى «ۇيرەنۋ لاگەرلەرىندە» 1 ميلليونعا جۋىق از ساندى ۇلت وكىلدەرى قاماۋدا وتىرعانى دا ايتىلعان.

«شەكاراسىز جۋرناليستەر» ۇيىمى شىعىس ازيا ءبولىمىنىڭ ديرەكتورى كەدريك الۆيانيدىڭ ايتۋىنشا، اتالعان ۆەب-سايت جابىلعاندىقتان، قىتايداعى تۇراقتى جۋرناليستەرى بەيجىڭدى ءتىپتى دە تەرەڭىرەك تۇسىنەتىن، سونداي-اق، ءوزىن جانە اقپاراتتاردى قورعايتىن مۇمكىندىكتەرىنەن ايىرىلعان.

حالىقارالىق ۇيىم قىتاي ۇكىمەتىنىڭ بۇل ءىسى، بەيجىڭدەگى توتاليتارلىق بيلىكتىڭ كۇشەيۋىنەن دەرەك بەرەدى دەپ قارايدى. سونىمەن بىرگە، ول اقپاراتتىڭ ەركىن اعىندارىن بۇعاتتاپ، ادام قۇقىقتارىنىڭ بۇزىلۋىن جاۋىپ تاستاۋدىڭ زور مۇمكىندىگى ەكەنىن ايتادى.

“The Qazaq Times”