Foto: wuiel.ru
  • RF prezidentiniñ ar-namısı men  abıroyın qorğau turalı zañ.
  • Putin zamanı-Reseydegi soñğı 100 jıl işindegi ömir süruge  eñ jaqsı uaqıt
  • Ukraina resey kögildir otınınan bas tartıp otır
  • Reseylikterge tünde şammen balıq aulauğa tıyım saladı

Bi-Bi-Si orıs qızmetiniñ reseylik BAQ-qa şoluı.

"Kommersant": "Prezidenttiñ abıroyına aytıladı"

«Kommersanttıñ» birinşi jolındağı material prezidentti qorlaudan qorğaytın zañ ayasındağı pikirtalasqa arnalğan. Gazettiñ aytuınşa, Tatarstandağı İT-qalanıñ jwmısşılarınıñ biri sol jerde issaparmen bolğan  Memlekettik  Duma  törağası Vyaçeslav Volodinge osınday zañ qabıldaudı wsınıptı. Sebebi Vladimir Putinge «aqparattıq astar» kele jatqanı seziledi.

Jäne Volodin bwl pikirdi qoldadı. Ol basqa memleketterde mwnday zañ bar ekenin, mısalı, «2015 jılı Barak Obamağa aytılğan pikir üşin 4 adamğa qatal jazalau merzimi berildi» dep mälimdedi. Memlekettik Duma törağası Resey mwnday jağdayda «asa aşıq, demokratiyalı»: «Ne jazğısı kelse, sonı jazadı, ne aytqısı kelse, sonı aytadı. Bwl bizdiñ mädenietimizdiñ ajıramas böligi» dep sanaydı.

Sayasatker Valeriy Solovey  «mwnıñ barlığı 2018 jılğı prezidenttik kompaniyanı qoldanuğa dayındalıp jatır»: «Bilik qazirge prezidentke arnalğan sındar öte qattı, tipti qorlau türinde bolatının sezedi». Osı jağdayda är sınnan qorğanu kerek» dep boljaydı.

Onıñ sözinşe, prezidentti qorlau dep «är närseni aytuğa boladı». «Ol tipti Vladimir Putin 2012 jılı ananı-mınanı ayttı, biraq bwl aytqandarı orındalmadı degen arız boluı da mümkin. Osını aytqan adamdı oñaylıqpen sottauğa boladı.  Oğan şarttı merzim, ayıppwl nemese basqa ayıp türi tağıluı mümkin.  Osığan qosa ol «är joğarı şendi şeneunik prezidentke jağudı közdeydi» dep atap ötti».

Degenmen, KSRO Joğarğı keñesiniñ bwrınğı deputatı, Anatoliy Sobçak Qorınıñ sarapşısı Sergey Stankeviç «elbasın jäbirleuşi bwqaralıq şabuıldan qorğau negizinde bwl zañ qabıldanuı da mümkin» deydi.

"Vedomosti": "Putin  Brejnevten asıp tüsti"

Reseylik äleumettanuşılardıñ anıqtauı boyınşa, Leonid Il'iç Brejnev pen  Vladimira Putin basqarğan uaqıt  reseylikterdiñ  ömir sürui üşin öte jaqsı kezeñ bolıp sanaladı eken. Eldiñ üşten bir böligi, yağni 32 %-ı Putin kezindegi ömir soñğı 100 jıl işindegi eñ jaqsısı dep sanaydı. Brejnevke 29% adam dauıs bergen. Bwl aqparattı aqpan revolyuciyasınıñ 100 jıldığına arnalğan şara ayasında ötkizilgen saualnama negizinde «Levada-ortalıq» anıqtadı.

Soñğı 5 jılda monarhiyanıñ qwldırauı Reseyde wlttıq jäne memlekettik aybındılıqtıñ joğaluına äkelip soqtı dep sanaytındar sanı 25% -dan 21%-ğa azaydı jäne monarhiyanıñ soñı eldiñ damuındağı serpindi qadam dep bağalaytındar sanı 9-dan 13%-ğa arttı. 19%-ı bir ğasır bwrınğı jağday Reseydi älsiretti jäne qazan töñkerisi men eldiñ qwldırauına äkelip soqtı deydi.

"Kommersant" jäne rbc.ru: kömirdi küşeyte tüsu

«Kommersanttağı» material Ukrainadağı energetikalıq jağdayğa arnalıp otır. Ol 2 jıl işinde alğaş ret elektr quatın taramdı öşirudiñ naqtı keleşegin alğa qoydı. Sonımen qatar Kievtiñ Reseyden gaz da, elektr quatın da satıp alu nieti joq.

Mwnday jağday eldiñ kömir JES-dağı antracit qorınıñ birden azayğanına baylanıstı dep tüsindiredi «Kommersant». Bwl erikti qwrılımdar kömirdiñ Ukrainağa Kievte qadağalanbaytın DNR jäne LNR şekaralarınan keletin eki temirjol bağıtınıñ jabıluına baylanıstı.

Rbc.ru portalı qadağalanbaytın Doneck jäne Lugan oblıstarınan  keletin antracit kömirin jetkizuge şekteu sebebinen tuğan dağdarıs jağdayına Resey wrındırdı degen Kiev wstanımın keltiredi. Mwnday mälimdemeni Ukraina vice-prem'eri Gennadiy Zubko bayandadı.

"Resey gazeti": "Qarmaqta"

Äuesqoy balıq şaruaşılığı zañına engizilgen jañaşıldıq turalı «Resey gazeti» aytadı. Auıl şaruaşılığı ministrliginiñ engizgen tüzetulerinde  reseylikterge tegin balıq aulau qwqığı bar ekendigi, biraq balıq aulauda tıyım salınğan şaralar tizimin keñeytu nieti rastalğan. Al şeteldikterge Reseyde balıq aulau tek tölem negizinde rwqsat etiledi. Tarifterdi jergilikti basşılıq bekitedi.

Jaña zañ jeke tabıs norması tüsinigin engizip otır: bir balıqşınıñ 1 jıl nemese az uaqıt aralığında wstay alatın norması. Sonımen qatar tünde şamnıñ nemese basqa jarıqtandırğış qwraldıñ kömegimen aulauğa bolmaydı. Su astındağı, akvalangpen aulau da qwqıqtıq alañnan şığıp qaldı. Oğan qosa su astı añşılığı üşin qaru nemese tapanşanı su astında ğana emes, sonımen qatar su betinde de qoldanuğa tıyım salınğan.

«Äuesqoy balıqşılar su astı añşıların wnata qoymaydı, biraq olar tabiğatqa aytarlıqtay ziyan keltiredi degen de ob'ektivti mälimet joq. Al şammen balıq aulauğa qoyılğan şekteuge keletin bolsaq, men äli sanalı tüsinik taba almay otırmın, ne üşin onı zañnan tıs qoyadı»,-dep ayttı balıqşılar Odağınıñ «RG» törağası Aleksey Cessarskiy.

Fariza Mwqanova

«The Qazaq Times»