Eñ qauipti dünie AQŞ-tıñ kelisimnen şığuı emes, Reseydiñ Europadağı zımırandarı

AQŞ prezidentiniñ wlttıq qauipsizdik mäseleleri boyınşa keñesşisi Jon Boltonnıñ Mäskeuge saparı ayaqtaldı. Resey prezidenti Vladimir Putinmen ötken kezdesuden keyin Bolton jurnalisterge ne dedi?

Baspasöz mäslihatınıñ bastı taqırıbı AQŞ prezidenti Donal'd Tramptıñ Reseymen aradağı zımıran kelisiminen şığatındığı jönindegi mälimdemesi boldı. Bolton «Rossiya-1» telearnasınıñ jurnalisi Sergey Brilovtıñ: «Kelisim küşin joyğannan keyin jergilikti halıqtardıñ ömirine qauıp töndiretin zımırandar Europağa qaytıp orala ma?» degen swrağına:

«Şın mäninde däl qazir Europada Reseydiñ zımırandarı twr. Eñ qauipti dünie AQŞ-tıñ kelisimnen şığuı emes, Reseydiñ Europadağı zımırandarı. AQŞ-tıñ kelisimnen şığuınıñ bastı sebebi Reseydiñ özine jüktelgen mindetterdi orındamauında. Biraq Mäskeu bwnı moyındap otırğan joq. Kersinşe, AQŞ kelisimnen şığu arqılı zañ bwzıp otır dep esepteydi. Biz olar moyındamaytın dünieni qalay däleldeymiz» - dep jauap berdi.

Bwdan bölek Jon Bolton Reseyge salınıp jatqan AQŞ sankciyaları, Süriya, Auğanstan, Ukraina jäne Soltüstik Koreya mäseleleri jönindegi swraqtarğa jauap berdi. Onıñ sözinşe, Reseydiñ Süriya aumağında himiyalıq qaru qoldanğanı üşin AQŞ Konstituciyası Aq üydi Mäskeuge sankciya saluğa mindetteydi. Biraq bwl Uaşingtonnıñ soñğı şeşimi emes.

Süriya mäselesine kelgende Bolton: «Süriyada aldağı uaqıtta Reseymen kelise otırıp jwmıs isteuge uağdalastıq. Idlib mäselesine qatıstı kelisim öte tiimdi boldı. Prezident Tramp bwl kelisimniñ gumatitarlıq tragediyanıñ aldın alğanın basa ayttı. Äzirge Resey, Türkiya jäne Süriyanıñ Idlibke qatıstı jasağan kelisimderi kedergilerge qaramastan jwmıs istep twr» - dep qısqa ğana söyledi.

Baspasöz mäslihatı barısında Bolton Putinmen kezdesude Resey prezidentiniñ Tramppen kezdesu wyımdastıruğa baylanıstı wsınıs jasağanın ayttı. Onıñ sözinşe, aladğı uaqıtta Tramp pen Putin Parij qalasında ekijaqtıq kezdesu ötkizui mümkin. Keyninnen Boltonnıñ bwl sözin Resey prezidentiniñ kömekşisi YUriy Uşakov ta rastadı. Onıñ aytuınşa, Putin men Tramp 11 qaraşa küni Franciya astanasında birinşi düniejüzilik soğıstıñ ayaqtalğannına 100 jıl toluına oray ötetin şaradan keyin kezdesedi.

Jalpı, Jon Boltonnıñ Reseyge saparı BAQ betterinde qızu talqılandı. Atalmış saparğa qatıstı halıqaralıq sarapşılardıñ pikiri ekige bölindi. Biri «Boltonnıñ saparı Uaşington men Mäskeu qarım-qatınasındağı toñdı jibitedi» dese, endi biri «bwl jolğı kezdesudiñ bwrınğı kezdesulerden eşqanday ayırmaşılığı joq» dedi.

"The Qazaq Times"