Halıq jazuşısı Şerhan Mwrtaza. Foto: baq.kz

Bügin qaymana qazaqtıñ qamı üşin qalamımen qatar qaysar minezimen aqtıq demi qalğanşa qızmet etken halıq jazuşısı Şerağañ – Şerhan Mwrtaza baqilıq boldı.

Şerhan Mwrtaza 1932 jılı Jambıl oblısı, Jualı audanı, Talaptı auılında düniege kelgen. «Qwrmet belgisi», «Otan» ordenderimen marapattalğan. QazKSR Memlekettik sıylığınıñ, «Tarlan» täuelsiz sıylığınıñ laureatı. QazKSR mädenietiniñ Eñbek siñirgen qızmetkeri. Qazaqstannıñ Halıq jazuşısı jäne Qırğız Respublikasınıñ Halıq aqını.

Ol «Leninşil jas», «Socialistik Qazaqstan» gazetterinde tilşi, ädebi qızmetker, redaktor, «Jazuşı» baspası janındağı Balalar men jastar ädebieti bas redakciyasınıñ jäne «Jalın» al'manahınıñ bas redaktorı, Qazaqstan Jazuşılar odağı basqarmasınıñ 2-hatşısı, «Jwldız» jurnalı, «Qazaq ädebieti», «Egemen Qazaqstan» gazetteriniñ bas redaktorı qızmetterin atqarğan.

Külli qazaq jwrtına qayğıra köñil aytamız. Janıñız jännatta, topırağıñız torqa bolsın! Abız-ata – Şer-ağa...

"The Qazaq Times"