foto: -Media Outlets Roasting
AQŞ prezidenti Donald Tramptıñ Qıtayğa qaratqan poziciyası qwbılıp twr. Qıtaydıñ geosayasatta özine eñ negizgi qarsılas retinde qaraytın Japoniyanı jaqın tartuı jäne Tayuan mäselesi turalı pikirleri Qıtay men AQŞ jaña qarım-qatınasına jaña bağıt bergeli otır.
Ötken jıldıñ jeltoqsan ayında Donal'd Tramptıñ prezident tağına otırmay jatıp, «Ülken Qıtay»  turalı bildirgen pikiri, Qıtay aqparat keñistiginde zor dümpu tuğızğan bolatı.“The Wall Street Journal” basılımına bergen swhbatında, Donal'd Tramp «Ülken Qıtay» sayasatı turalı – «Bwl wzaq merzimdi sayasattıñ bolaşağı tiyanaqtı emes. Ärine, AQŞ geosayasatta Tayuannıñ (Tayvan') derbes el ekenin moyındamauğa kelisedi. Alayda, valyuta bağamı men sauda qarım-qatınası, tağı basqa da mäseleler bwl bir sayasatqa bağına bermeydi. Biz bwl turalı qaytalay talqılaular alıp baramız. Bwl talqı «Ülken Qıtay» sayasatın da qamtidı», - degen bolatın. Beyjiñ jaq bwl pikirine qarsı pikir bildirgen jäne Tramptıñ bwl söz Qıtay men AQŞ-tıñ 40 jıldan astam beybit qarım-qatınasın büldiru dep bağalağan.
Al,  10 aqpan küni  «The New York Times» -tıñ qıtay tilindegi resmi saytında, Tramp QHR basşısına qwttıqtau hat joldap,   «Aqş pen qıtay arasında jasampazdıq sipattı qarım-qatınastı damıtudan ümit kütetinin» bildirgeni jazılğan bolatın. Bwl köpten beri  «AQŞ-tıñ eñ iri sauda seriktesine»  qarata tartıstarğa tolı bayandamadan keyingi Aq üydiñ aytqan eñ jaña äri eñ jılı lebizi.
Aq üyden Beyjiñge joldanğan  qısqa da nwsqa hatta AQŞ prezidenti qıtay basşısına alğıs aytqan jäne qıtaydıñ dästürli "Köktem" merekesimen qwttıqtaptı.  Tosın joldanğan bwl qwttıqtau hatı eki taraptıñ aldın ala josparında bar, joğı belgisiz. Alayda, osı bir hattıñ sırı är eldegi sarapşılardıñ qızığuın tudırğan edi.
Eñ qızığı, qwttıqtau hatın tapsırıp alğan qıtay ükimeti täulik boyı jauap qatpağan. tek, ötken beysenbi küni keşte ğana eki basşı telefonda tildesken. «Wzaq keñes»  barısında,  Tramp  «Ülken qıtay»  sayasatın qoldaytının bildirgen. Aq üydıñ aytısına sensek,  eki el basşısı "arqa-jarqa" keñesip,  bir-birin elderine şaqırğan.
Tramptıñ Qıtayğa jılı qabaq tanıta qaluında qanday sır bar degen saual qıtaylıq BAQ-tıñ qızu talqısında. AQŞ-ta prezident saylauınıñ ekinşi aptasınan bastap-aq,  qıtay turalı san-aluan pikir aytıp,  Qıtayğa salqın qabaq tanıtıp kelgen Tramptıñ poziciyası jılıp sala berdi deydi sarapşılar.
11 aqpan küni, Qıtaydıñ iri aqparat agenti Sina.Net-tıñ resmi saytında, Tramptıñ «Ülken qıtay»  sayasatın qoldaytını turalı lebizine qarata Tayuan prezident sarayınıñ mälimdemeşisi Huañ Joñyannıñ sözi jariyalandı. Ol:" AQŞ pen Tayuan eki jaq tığız baylanıs pen selbestikti saqtaydı. Äri  isik te töstik te küymeytin  tamaşa täsilden jazbaydı", - degen pikir ayttı. Osı pikir Beyjiñ men Tayuan arasındağı küşti qayşılıqtı tudırıp otır.
Aud: Ädilet AHMETWLI
“The Qazaq Times”