Foto: news.am

Jaqında Armeniya prem'er-ministri Nikol Paşinyan merziminen bwrın parlamenttik saylau ötkizetinin mälimdedi. Paşinyannıñ bwl şeşimi halıq arasında qızu talqığa aynaldı. Lauazımdı qızmetke kelgenine bar-joğı bes ayğa juıqtağan ol osı uaqıt işinde ne tındırıp ülgerdi? Saraptap körelik.

  1. «Güldengen Armeniya» jäne «Daşnakcutyun» partiyası wsınğan ükimet ministrleri men gubernatorlardı jwmıstan bosatuğa nwsqau berdi.
  2. Bilikti asıra nasihattap, astırtın äreketterdi jasırıp qalumen aynalısatın «Armeniya» telearnasınıñ basşıların ornınan aldı.
  3. Qorğanıs ministriniñ orınbasarı, general Manvel Grigoryan, onıñ äyeli men wlı Eçmiadzinge armyan soldattarına gumanitarlıq kömek bergeni jäne qarudı zañsız saqtağanı üşin twtqındau turalı şeşim şığardı.
  4. Prezidenttik küzet qızmetiniñ bwrınğı basşısı Sargsyan-Vaçagel Kazaryannıñ üyine tintu jürgizip, memleketke tiesili qarjını qaytardı.
  5. Eks-prezident Robert Koçaryannıñ salıq töleuden jaltarğan «Spayka» kompaniyasın tergeuge aldı. Osı is boyınşa Erevanda 2008 jılğı 1 naurızda bastalıp, ayaqsız qalğan tergeudi qayta bastadı. Nätijesinde Koçaryan RF-ğa bas sauğalauğa mäjbür boldı.
  6. Armeniya tergeu komiteti men kassaciyalıq sotındağı bılıqtardı äşkerelep, jaña kadr tağayındadı.
  7. Bas ştab, şekara jäne qwrlıq äskerileriniñ basşılığı auıstı. Sonday-aq, Taulı Qarabaqtağı küş qwrılımdarı öz jwmısın toqtattı.
  8. Qızmettik ökilettigin asıra paydalanğanı üşin auıldıq qauım basşılarına qarsı 71 qılmıstıq is qozğaldı.
  9. Prem'er-ministr Paşinyannıñ saparınan keyin ekologiyalıq problemadan köz aşpağan Syuniksk oblısınıñ basşılığı qızmetinen quıldı.
  10. Armyandardıñ şet elden oraluın jüzege asıratın «Armeniyadağı jürek» jobası iske astı.
  11. Ädiletsiz sottıñ «arqasında» jügensiz ketken 30-ğa tarta qandıqol qaraqşılardıñ üstinen qayta is qozğap, üyin tintip şıqtı. Osıdan keyin olardıñ basım böligi elden quıldı.
  12. RF-dağı LDPR partiyasınıñ deputatı Vladimir Savel'ev pen Jirinovskiydiñ mañızdı äñgimesi arqılı Armeniyanıñ Äzirbayjanğa qatıstı Taulı Qarabaqtı qaytaru turalı köpten kütken wsınısına qol jetkizdi.
  13. Feysbukte tikeley efirge şığu arqılı şendiler men halıq arasında qarım-qatınas jasaudı dästürge aynaldırdı. Sonday-aq, Feysbuk jelisinde «Paşinyanmen tikeley swhbat» taqırıbında qarpayım halıqtıñ saualdarına jauap berdi.
  14. Basqa elderge äskerge barudan bas tartqan barlıq jigitterge raqımşılıq (amnistiya) jariyalap, olardı otanına qaytıp oraluğa jäne qızmet etuge şaqırdı.
  15. Öziniñ barlıq apparatı men ükimetin «Apple»-diñ ornına otandıq öndiris «ArmTab» komp'yuterlerimen jwmıs isteuge köşirdi.
  16. Oligarh Samvel Karapetyanğa tiesili «Taşir Group» kompaniyasımen kelisim jürgizip, jağdayı tömen otbasılardıñ elektro-energiya bağasın tömendetti.
  17. Joğarı vol'tti elektr jelilerin retteumen aynalısatın JQK-men kelisimşarttı bwzıp, «Taşir Group» kompaniyasın memleket qaramağına ötkizdi.
  18. «Gazprom Armeniya» kompaniyası tabısı az otbasılar üşin gaz bağasın 20%-ğa tömendetti. Jeñildetilgen tarif merziminen bwrın saylau arqılı bir jılğa belgilendi.
  19.  Saylau kodeksine tüzetuler engizdi.
  20. WQŞW jäne EAEO-men ıntımaqtastıqtı küşeytu turalı qwjattarğa qol qoydı.
  21. Resey Federaciyasınıñ FSB küşteriniñ ornına Türkiya jäne Äzirbayjanmen şekaralıq mäselelerdi retke keltirdi. Türkiya şekarasındağı jağdaydı öz baqılauına aluğa qol jetkizdi.

Tüyin

Paşinyan bilikke kelgen kezden bastap 29 reformanı jüzege asırıp ülgergen. İri supermarketterge boykot jariyalau arqılı jügensiz ketken bağanı tömendetti. Sonday-aq şeteldik jäne otandıq kompaniyalardıñ astırtın äreketterin anıqtadı. Tağısın tağı. Armeniyağa «baq bop qonğan» Nikol Paşinyan ädilettik ornatudı realistik bağıtta jüzege asırdı. Saylaualdı jattandı sözben emes, de-faktolıq twrğıda äreket etti. Alayda Armeniya jwrtı üşin baqıtqa kenelu wzaqqa sozılğan joq. Jaqında parlamentte N.Paşinyan: «Qazir men äriptesterimizdiñ dağdarıstı qalay eñseru kerektigi turalı wstanımın biluge tırısamın. Meniñşe, biz kezekten tıs saylau ötkizu turalı konsensusqa kelisim beremiz. Eger prem'er saylanbasa, merziminen bwrın parlamenttik saylau ötkizu kerek», – dep mälimdedi.

5 ayğa juıq uaqıttıñ işinde öz memleketin «qoqıstan» tazartıp ülgergen Paşinyandı jaqtauşı halıq sanı tolassız artıp keledi. Armeniya ğana emes «sayasi dominenniñ» tındırğan isteri talaydı tañday qaqtırdı. Bir şekpennen şıqqan memleketter arasında tarihi rezonans tuğızdı. Rasımen, Nikol Paşinyan postkeñestik memleketterdiñ arasınan alğaşqı bolıp sayasi jüyege özgeris engizgen basşı. Endigi kezek kimde?..

"The Qazaq Times"