Erdoğan: Terrorizmniñ Islamğa qatısı joq

Türkiya prezidenti Rejep Tayıp Erdoğan: «Terrorizmniñ Islamğa qatısı joq» - dep mälimdedi.

Anadolu aqparat agenttiginiñ habarlauınşa, Germaniyanıñ Kel'n qalasında türik-islam birlestigi meşitiniñ aşılu saltanatında söz söylegen Rejep Tayıp Erdoğan: «Terrorizm men zorlıq-zombılıqtı nasihattaytın kez kelgen ideologiyanıñ Islamğa, mwsılmandarğa, bizdiñ dinimizge qatısı joq. Terrorizm hristianin, iudey nemese mwsılmandardıñ qay qayssı jasasa da qılmıs bolıp qaladı» - dep mälimdegen.

Esteriñizge salayıq, osıdan biraz uaqıt bwrın Germaniyada Türkiyamen qatısı bar türik-islam birlestikterine qatıstı dau şıqqan. Germaniya azamattıq belsendileri men sayasatkerleri «türik-islam birlestikteri el arasında terrorizmdi nasihattauda» dep ayıptağan. Biraq birlestik basşılığı olardıñ bwl ayıptauların teriske şığarğan.

"The Qazaq Times"