فوتو: RT

تۇركيا پرەزيدەنتى رەجەپ تايىپ ەردوعان: «تەرروريزمنىڭ يسلامعا قاتىسى جوق» - دەپ مالىمدەدى.

Anadolu اقپارات اگەنتتىگىنىڭ حابارلاۋىنشا، گەرمانيانىڭ كەلن قالاسىندا تۇرىك-يسلام بىرلەستىگى مەشىتىنىڭ اشىلۋ سالتاناتىندا ءسوز سويلەگەن رەجەپ تايىپ ەردوعان: «تەرروريزم مەن زورلىق-زومبىلىقتى ناسيحاتتايتىن كەز كەلگەن يدەولوگيانىڭ يسلامعا، مۇسىلماندارعا، ءبىزدىڭ دىنىمىزگە قاتىسى جوق. تەرروريزم حريستيانين، يۋدەي نەمەسە مۇسىلمانداردىڭ قاي قايسسى جاساسا دا قىلمىس بولىپ قالادى» - دەپ مالىمدەگەن.

ەستەرىڭىزگە سالايىق، وسىدان ءبىراز ۋاقىت بۇرىن گەرمانيادا تۇركيامەن قاتىسى بار تۇرىك-يسلام بىرلەستىكتەرىنە قاتىستى داۋ شىققان. گەرمانيا ازاماتتىق بەلسەندىلەرى مەن ساياساتكەرلەرى «تۇرىك-يسلام بىرلەستىكتەرى ەل اراسىندا تەرروريزمدى ناسيحاتتاۋدا» دەپ ايىپتاعان. بىراق بىرلەستىك باسشىلىعى ولاردىڭ بۇل ايىپتاۋلارىن تەرىسكە شىعارعان.

"The Qazaq Times"