Qırğızstan işki ister ministrligi (İİM) AQŞ elşiligine mälimetter bergen bwrınğı jäne qäzirgi qızmetkerlerdiñ sottalğanı jönindegi aqparattı rastadı.

İİM baspasöz hatşısı Baqıt Seytov jauapqa tartılğandar kezinde İİM-de jwmıs istegen deydi. «Iya, onıñ bireui kezinde bizde (İİM) qızmet istegen. Keyinnen AQŞ elşiligine jwmısqa twrğan siyaqtı. Onıñ İİM-de tanıstarı qalğan. Solardan aqparat alıp otırğan. Men mwnı öz közimmen körgem», - dep atap ötti Seytov.

Joğarğı sot is Birinşi may audandıq sotında ötkenin, biraq sot şeşimi memlekettik qwpiya retinde jariyalanbaytının habarladı. AQŞ elşiligi bolsa, bwl mälimetke baylanıstı äzirge eşqanday tüsinikteme bermedi.

«Delo №» gazetiniñ 19 qırküyektegi sanında «Qırğızstan İİM oficerleri AQŞ elşiligi üşin tıñşılıqpen aynalısqan» degen maqala jarıq kördi. Onda qazir AQŞ elşiliginde küzette jwmıs isteytin İİM bwrınğı qızmetkerleri Samat Şeripbekov pen Kumarbek Çaldanbaev jäne İİM-niñ qazirgi oficerleri Mirlan Toyçiev pen Emilbek Karaçev «şeteldik wyımğa aqparat jinap otırğan» dep ayıptalğandığı jazılğan.

"The Qazaq Times"