Aqorda mañındağı auıs-tüyis: Bwl jolğı kreslo almasuda kim, ne wttı?

Aqorda mañındağı auıs-tüyis. Kim, qayda tağayındaldı? Bwl jolğı kreslo almasuda kim, ne wttı?

Qırküyek ayınıñ 10-ı küni prezident äkimşiligin wzaq jıldar boyı basqarıp kelgen Ädilbek Jaqsıbekovtıñ ornına Astana qalasınıñ äkimi Äset Isekeşov bardı. 11 qırküyek küni qarjı ministri Baqıt Swltanov Astana qalasınıñ äkimi bolıp tağayındaldı. 18 qırküyekte Swltanovtıñ kreslosına Älihan Smaylov otırdı. 19 kırküyek küni Qauipsizdik Keñesindegi prezident kömekşisi qızmetine Ğabit Bayjanov saylandı. Onıñ ornına «Sırbaz» sırtqı barlau qızmetiniñ direktorı bolıp Isatay Sartaev tağayındaldı. 21 qırküyekte prezidenttiñ ekonomikalıq mäseleler boyınşa kömekşisi ornına bwğan deyin Euraziyalıq ekonomikalıq keñeste qarjı jäne ekonomika ministri bolğan  Timur Jaqsılıqov bardı. Jalpı, qırküyek ayı auıs-tüyisterdiñ ayı boldı desek artıq aytpaspız. Biraq bir qızığı joğarıda atalğan şendilerdiñ bir de bireuiniñ esimi bwğan deyin BAQ betterinde aytılğan boljamdarda kezdespegen.

Aqorda mañındağı bwl jolğı auıs-tüyis halıq arasında köp talqılanbasa da, jurnalister men sarapşılar arasında «Jaqsıbekov ülken sayasattan bir jolata ketti me?», «Isekeşov prezident äkimşiligine qanday özgerister alıp kelui mümkin?», «Astana qalası Baqıt Swltanovtıñ bağı ma, sorı ma?» degen birneşe swraqtıñ tuındauına sebep boldı.

Jaqsıbekov ülken sayasattan bir jolata ketti me?

Ädilbek Jaqısbekovtıñ zeynetke ketuin osı uaqıtqa deyin BAQ bitken jarısa jazdı. Biri «ol zeynetke şığu arqılı ülken sayasattan bir jola ketip, swr kardinal märtebesinen ayırıldı» dese, endi biri «Jaqsıbekov prezident äkimşiliginen ketse de wpayı tügel» dep esepteydi. Negizinde Jaqsıbekov ülken sayasattan ketkenimen onıñ komandası öz ornında qaldı. Aqorda mañında jürgen soñğı auıs-tüyis onıñ komandasına äser etken joq. Bir sözben aytqanda «Cesna» korporaciyasın basqarudı öz qolına alğan Jaqsıbekov ülken sayasatta kez kelgen uaqıtta qaytıp orala aladı jäne zeynetke ketse de ülken sayasattan anau aytqanday alşaqtağan joq.

Isekeşovtıñ prezident äkimşiligi basşısı bolıp tağayındaluınıñ sırı ne de?

Eñ birinşi kezekte Isekeşovtıñ PÄ basşısı bolıp tağayındaluına onıñ osı uaqıtqa deyin prezidentpen birge jwmıs istegendigi jäne öziniñ komandasınıñ joqtığı sebep boluı mümkin. Jalpı, Isekeşovqa prezident äkimşiliginde jwmıs isteu asa bir ülken qiındıqtar tuğızbauı tiis. Sebebi joğarıda aytqanımızday Isekeşovtıñ özge memlekettik organdarda adamdarı joq.

Astana qalası Baqıt Swltanovtıñ bağı ma, sorı ma?

Baqıt Swltanov öziniñ sayasi mansabın äu basta qarjı salasınan bastağan. Ol osı uaqıtqa deyin bir de bir ret qalalıq nemese oblıstıq basqaru aparatında jwmıs istemegen. Al jergilikti özin-özi basqaru äkimşilikteriniñ ministrliktermen salıstırğanda özindik erekşilikteri bar. Mısalı, qanday da bir tötenşe jağday orın alatın bolsa, birinşi bolıp jauap beretin de, sınğa iligetin de däl osı oblıs nemese qala äkimderi. Al ministrlikterde bwl mülde basqaşa. Ministrlerde qaşan da jauapkerşilikten aynalıp ötetin ekinşi nwsqa bar. Olar qanday da bir jwmıs iske aspay jatsa onı ekinşi bir ministrlikke, oblıs äkimine nemese kvazimemlekettik kompaniyağa audara sala aladı.

Jalpı, Baqıt Swltanovtıñ Astana qalasınıñ äkimi boluı onıñ aldağı uaqıttağı sayasi salmağına ülken äser etedi. Eger Swltanov mırza Astananı qısta qar astında, jazda su astında qaldırmay el qatarlı jwmıs istese, onda onıñ sayasat sahnasındağı röli sözsiz ösedi. Al eger el maqtanışı bolğan el ordanınıñ jwmısın örge domalata almasa, onda kelesi jolı kezekti ministrlikterdiñ birine barıp, qatardağı qalıq atqa minerdiñ biri bolıp qala bermek.

Negizinde Aqorda mañında bolğan bwl jolğı auıs-tüyister jalpı basqaru jüyesine anau aytqanday özgerister alıp kelmeytini anıq. Biraq joğarı biliktegi kreslo almasular bwnımen ayaqtalğan joq siyaqtı. Sebebi «prem'er-ministr men Wlttıq Bank törağası qızmetinen ketui mümkin» degen qañqu sözder jwrt arasında jeldey esip jür.

"The Qazaq Times"