Foto: bbci.co.uk

Birikken Korol'diktiñ Mädeniet ministri Djeremi Rayt reseylik «Russia Today» telearnasınan körsetilgen Sergey men YUliya Skripal'diñ ulanuına qatısı bar qos küdiktiniñ swhbatına baylanıstı pikir bildirdi.

Parlamenttiñ köptegen deputattarı «propagandamen aynalısatın» jäne Reseydiñ basqa da memlekettik BAQ-tarın Wlıbritaniyadağı telehabar taratu licenziyasınan ayıru kerek dep şeşti. Sonımen qatar, ministr Rayt «Resey öziniñ bwqaralıq aqparat qwraldarı arqılı barlığın şatastıruğa tırısadı. Solsberide bolğan oqiğanıñ 40 türli nwsqaların wsındı jäne olardıñ eşqaysısı şındıqqa säykes kelmeydi», – dedi.

«Ofcom» radio jäne teledidar isteri jönindegi Britandıq basqarması Wlıbritaniyada RT qızmetine habardı bwrmalağanı üşin tergeu jürgizbek. Skripal' oqiğasınan bölek, Ukraina men Süriyağa qatıstı äreketterdiñ de nazardan tıs qalmaytının ayttı. Aldağı uaqıtta reseylik telearnanıñ ügit-nasihattıq bağıtta jwmıs jasaytını däleldense, Wlıbritaniya men Vaşingtondağı RT-nıñ licenziyası keri qaytarıladı.

Kreml' qanday qadamğa barmaq?

«Times» bwl mäsele Reseydiñ keşirim swrauına nemese naqtı jauap beruge mäjbür etedi deydi. Sebebi, RT telearnasınıñ «kesiri» Resey aumağındağı BBC-diñ jwmısın qiındatadı. Sonımen qatar, atalğan basılımda H'yugo Rifkindtiñ Solsberidegi oqiğalarğa britandıqtardıñ reakciyası jaylı maqalasın jariyaladı. Onda tilşi: «Swmdıq! Tolğan teoriya men mazaq etu. Bäri eş däyeksiz!», – deydi. Endi Wlıbritaniya jwrtın şulatqan maqalanıñ üzindisine zer salsaq.

«Senbi küni özimniñ satiralıq kolonkamda eki qorqınıştı adam ömirin jalmaytındardı riyasız swhbat beruge mäjbürlegenin jazdım. Osı uaqıtqa deyin reseylik nasihattau arnaları bizdi aldaymız dep oyladı. Soñğı jartı jıl işinde RT Skripal'dardı öltiru äreketi turalı balama teoriyalardı almastırğan. Bwl – feyk! Oqiğanıñ qalay örbigenin biz öte jaqsı bilemiz. Bwl telearnanıñ täulik boyğı jañalığı britandıq-reseylik baylanıstardıñ uşığuına sep boldı.

Bwl jağday tek RT telearnasına qatıstı emes, sonay-aq Londondağı Resey elşiliginiñ qızmetine de ıqpal etedi. Bayqağanımızday, orıs «danışpandarı» ğalamtor arqılı qalay aldau kerektigin jetik meñgergen. Bwrmalauğa negizdelgen «suıq qarudı» mıqtı qoldanadı. Oqiğadan habarsız oqırmandar osı siltemelermen bölisip, sol jañalıqqa senedi.

Eger Resey prezidentiniñ özi bwl jağdayğa köz jwma qarap, «baspasöz erkindigin» alğa tartqan bolsa, nasihatşılar poziciyasın özgerte qoymaydı. Onda diplomatiyalıq baylanıstar tipten kürdelene tüsedi.

Bizdiñ mälimdememiz eş äzil emes. Skripal'dıñ isi kisi öltiru äreketterinen bastaldı. Asa qauipti himiyalıq qaru qoldanıldı. Tipti, eş jazıqsız äyel Don Sterdjess qaza taptı. Sol sebepti RT-nıñ bolaşağına qauip tönip twr. Äzirşe, Resey tarapı oqiğanı bwrmalap, Britaniya biligin mazaq ete bersin. Bäri uaqıtşa. Endi Resey men RT-nıñ küluge de mwrşası jetpeytin boladı».

DE-FAKTO

Reseylik tanımal telearna ötken aptada Skripal'derdi uladı degen qos küdikti Aleksandr Petrov jäne Ruslan Boşirovtiñ eksklyuzivti swhbatın ekrannan körsetti. Swhbatta küdiktiler Solsberidegi jağdayğa qatıstı pikir bildirgen. Telearna bağdarlama barısında «älem köz tikken» oqiğanıñ bağıtın jüz seksen gradusqa özgertip bergen. Wlıbritaniya tarapı swhbattağı barlıq äñgimeniñ şındıqqa janaspaytının anıqtap, naqtı derekter keltirdi. Endigi uaqıtta RT-nıñ keleşegin ne kütip twrğanı anıq. Al Resey tek AQŞ-tıñ ğana emes, Birikken Korol'diktiñ de sankciyalarına ilikti.

"The Qazaq Times"