Wlttıq Bank altın qordağı tazartılğan altınıñ 4 payızın satpaq.

Wlttıq Bank baspasöz qızmetiniñ mälimetinşe, jıl basınan beri Wlttıq Bank otandıq öndiruşilerden şamamen 33 tonna tazartılğan altın satıp alğan. Qazirgi uaqıtta Qazaqstan altın qorı jağınan älem boyınşa 15 orında. 2018 jıldıñ 10 qırküyegine deyingi statistikalıq mälimet boyınşa, altın qor kölemi 333 tonnanı (12,8 milliard dolları) qwrağan.

AQŞ dollarınıñ älemdik narıqta küşeyuine baylanıstı halıqaralıq birjalarda jıl basınan beri altın bağası 8 payızğa arzandağan. 2009 jıldan beri älem boyınşa altın satıp aluda Qazaqstan, Resey, Qıtay jäne Türkiya ortalıq bankteri aldıñğı orında bolğan.

Ayta ketetin bir jayt, soñğı uaqıttarı AQŞ sanciyaları altın satıp aludan aldına jan salmağan Resey, Qıtay jäne Türkiyanı ekonomikalıq tığırıqqa tireude. Üş memlekettiñ üşeuinde de wlttıq valyutaları bwrın soñdı bolmağan deñgeyge deyin qwnsızdanuda. Ekonomist mamandardıñ sözinşe, Türkiya, Resey jäne Qıtayğa salınğan AQŞ sankciyaları Qazaqstandı da aynalıp ötken joq. Sebebi sankciyağa ilikken üş memlekettiñ üşeui de Qazaqstannıñ iri strategiyalıq mañızğa ie sauda-ekonomikalıq seriktesi.

"The Qazaq Times"