ۇلتتىق بانك التىن قورداعى تازارتىلعان التىنىڭ 4 پايىزىن ساتپاق.

ۇلتتىق بانك ءباسپاسوز قىزمەتىنىڭ مالىمەتىنشە، جىل باسىنان بەرى ۇلتتىق بانك وتاندىق وندىرۋشىلەردەن شامامەن 33 توننا تازارتىلعان التىن ساتىپ العان. قازىرگى ۋاقىتتا قازاقستان التىن قورى جاعىنان الەم بويىنشا 15 ورىندا. 2018 جىلدىڭ 10 قىركۇيەگىنە دەيىنگى ستاتيستيكالىق مالىمەت بويىنشا، التىن قور كولەمى 333 توننانى (12,8 ميلليارد دوللارى) قۇراعان.

اقش دوللارىنىڭ الەمدىك نارىقتا كۇشەيۋىنە بايلانىستى حالىقارالىق بيرجالاردا جىل باسىنان بەرى التىن باعاسى 8 پايىزعا ارزانداعان. 2009 جىلدان بەرى الەم بويىنشا التىن ساتىپ الۋدا قازاقستان، رەسەي، قىتاي جانە تۇركيا ورتالىق بانكتەرى الدىڭعى ورىندا بولعان.

ايتا كەتەتىن ءبىر جايت، سوڭعى ۋاقىتتارى اقش سانتسيالارى التىن ساتىپ الۋدان الدىنا جان سالماعان رەسەي، قىتاي جانە تۇركيانى ەكونوميكالىق تىعىرىققا تىرەۋدە. ءۇش مەملەكەتتىڭ ۇشەۋىندە دە ۇلتتىق ۆاليۋتالارى بۇرىن سوڭدى بولماعان دەڭگەيگە دەيىن قۇنسىزدانۋدا. ەكونوميست مامانداردىڭ سوزىنشە، تۇركيا، رەسەي جانە قىتايعا سالىنعان اقش سانكتسيالارى قازاقستاندى دا اينالىپ وتكەن جوق. سەبەبى سانكتسياعا ىلىككەن ءۇش مەملەكەتتىڭ ۇشەۋى دە قازاقستاننىڭ ءىرى ستراتەگيالىق ماڭىزعا يە ساۋدا-ەكونوميكالىق سەرىكتەسى.

"The Qazaq Times"