Türkimen gazı Europağa jete me?

Transkaspiy gaz qwbırı Türkimenstannıñ ekonomikalıq problemaların şeşe ala ma?

Tamız ayınıñ 12-i küni Aqtau qalasında Kaspiy jağalauı elderiniñ V sammiti ötti. Onda Qazaqstan, Äzirbayjan, Türkimenstan, Resey jäne Iran elderiniñ basşıları Kaspiy teñizine arnayı qwqıqtıq märtebe beretin Konvenciyağa qol qoydı. Jañadan qabıldanğan qwjat boyınşa, wzaq jıldardan beri şeşimin tappay kele jatqan Türkimenstan biliginiñ transkapiy gaz qwbırı jobasınıñ kürmeui ağıtıldı. Bwdan bılay resmi Aşhabad europağa gaz tasımaldau üşin transkaspiy gaz qwbırı ötetin Äzirbayjanmen ğana kelissözder jürgizedi.

Transkaspiy gaz qwbırınıñ iske qosıluı stagnaciyalıq kezeñdi bastan ötkizip jatqan Türkimenstan ekonomikasına qanşalıqtı kömektesedi?

Şeteldik sarapşılar pikirinşe, wzaq jıldardan beri ülken dau bolıp kele jatqan transkaspiy gaz qwbırınıñ iske qosıluı Türkimenstan ekonomikasına anau aytqanday kömektespeydi. Sebebi Türkimenstan ekonomikasına qarjılay kömek bügin emes, erteñ emes, keşe qajet bolğan. Resmi Aşhabad bwl twrğıda öziniñ altın uaqıtın aldığa ozdırıp aldı jäne onı quıp jetu Türkimenbası biligine oñayğa soqpaydı. Onıñ üstine Türkimenstanda däl qazir transkaspiy gaz qwbırın salatın qarjı joq. Ol qarjını tabu üşin resmi Aşhabadtıñ şeteldik investorlarğa jüginuine tura keledi. Al olar eşuaqıtta tegin jwmıs istemeydi.

Türkimen gazı europağa jete me?

Qarjı tauıp qwbır salğannan bölek, sol qwbırdı gazben toltıru degen mäsele bar. Bwl twsta Türkimenstan gazınıñ europağa jetu-jetpeui ülken swraq. Sebebi bıltırğı jılı Türkimenstan Qıtayğa kelisilgen gaz mölşerin tolıqtay jetkizgen joq. Osıdan keyin Qıtay tarapı Türkimenstannan Qıtayğa gaz tasımaldaytın törtinşi gaz qwbırı torabın iske qosqan joq. İske qosu bılay twrsın 2017 jılı paydalanuğa berilui tiis gaz qwbırınıñ qwrılısı äli künge deyin bastalğan joq.

"The Qazaq Times"