Qazaqstandıq käsipqoy boksşı Bobirjan Mominov AQŞ-ta ötken debyuttıq jekpe-jeginde qarsılasın nokautpen jeñdi.

Qazaqstannıñ jartılay ortaşa salmaq därejesi boyınşa 26 jastağı boksşısınıñ amerikalıq 37 jastağı Brayan Timmonspen ötkizgen 8 ranudtıq  kezdesui birinşi raundta ayaqtaldı. Uaqıtınan bwrın jeñiske jetu üşin Mominovqa eki minut jetkilikti boldı.

Bwğan deyin Mominov tört raundtıq eki jäne altı raundtıq bes jekpe-jek ötkizgen. Onıñ kelesi jekpe-jegi Qazaqstanda ötedi. Qarsılası äzirge belgisiz.

Mominov Al'vares pen Golovkinniñ birinşi jekpe-jegi aldında meksikalıq "Kanelonıñ" jattıqtıru lagerine qatısqannan keyin tanıla bastadı. Golovkin men Al'varestiñ rematçı 15 qırküyekte Las-Vegasta ötedi, osıdan bir jıl bwrın olar özara mıqtını anıqtay almağan edi.

“The Qazaq Times”