قازاقستاندىق كاسىپقوي بوكسشى بوبيرجان مومينوۆ اقش-تا وتكەن دەبيۋتتىق جەكپە-جەگىندە قارسىلاسىن نوكاۋتپەن جەڭدى.

قازاقستاننىڭ جارتىلاي ورتاشا سالماق دارەجەسى بويىنشا 26 جاستاعى بوكسشىسىنىڭ امەريكالىق 37 جاستاعى برايان تيممونسپەن وتكىزگەن 8 رانۋدتىق  كەزدەسۋى ءبىرىنشى راۋندتا اياقتالدى. ۋاقىتىنان بۇرىن جەڭىسكە جەتۋ ءۇشىن مومينوۆقا ەكى مينۋت جەتكىلىكتى بولدى.

بۇعان دەيىن مومينوۆ ءتورت راۋندتىق ەكى جانە التى راۋندتىق بەس جەكپە-جەك وتكىزگەن. ونىڭ كەلەسى جەكپە-جەگى قازاقستاندا وتەدى. قارسىلاسى ازىرگە بەلگىسىز.

مومينوۆ الۆارەس پەن گولوۆكيننىڭ ءبىرىنشى جەكپە-جەگى الدىندا مەكسيكالىق "كانەلونىڭ" جاتتىقتىرۋ لاگەرىنە قاتىسقاننان كەيىن تانىلا باستادى. گولوۆكين مەن الۆارەستىڭ رەماتچى 15 قىركۇيەكتە لاس-ۆەگاستا وتەدى، وسىدان ءبىر جىل بۇرىن ولار ءوزارا مىقتىنى انىقتاي الماعان ەدى.

“The Qazaq Times”