Қазақстандық кәсіпқой боксшы Бобиржан Моминов АҚШ-та өткен дебюттық жекпе-жегінде қарсыласын нокаутпен жеңді.

Қазақстанның жартылай орташа салмақ дәрежесі бойынша 26 жастағы боксшысының америкалық 37 жастағы Брайан Тиммонспен өткізген 8 ранудтық  кездесуі бірінші раундта аяқталды. Уақытынан бұрын жеңіске жету үшін Моминовқа екі минут жеткілікті болды.

Бұған дейін Моминов төрт раундтық екі және алты раундтық бес жекпе-жек өткізген. Оның келесі жекпе-жегі Қазақстанда өтеді. Қарсыласы әзірге белгісіз.

Моминов Альварес пен Головкиннің бірінші жекпе-жегі алдында мексикалық "Канелоның" жаттықтыру лагеріне қатысқаннан кейін таныла бастады. Головкин мен Альварестің рематчы 15 қыркүйекте Лас-Вегаста өтеді, осыдан бір жыл бұрын олар өзара мықтыны анықтай алмаған еді.

“The Qazaq Times”