Zañsız köşi-qon probleması düniejüzin alañdatadı . "Daily Express" tilşileriniñ mälimetinşe, Britaniyada turisterdiñ tärtip bwzuı jiilegen. Biıl şetel azamattarı jasağan qılmıs sanı bıltırğıdan 16%-ğa artqan.

Jalpı alğanda bwl memlekette üş minut sayın özge wlt ökili qamauğa alınadı. Balqan jeriniñ azamattarı qwqıq bwzuşılardıñ aldın bastap twr. Al Londonda statistika boyınşa, ärbir üşinşi azamat tärtip bwzadı.

Britaniya jergilikti policiya qızmetkerleriniñ aytuınşa, migranttar men köşi-qon mäselesi tuındağan azamattar jii qılmıs jasaydı. Sol sebepti elde kriminaldı turizm örşip twr.

Qazaqstanda da zañsız migraciya äli künge deyin şeşimin tappağan mäsele sanaladı. Beyresmi derekke süyensek, zañsız jürgen migranttar men qwqıq bwzuşılardıñ sanı 1 mln-nan astam. Memleket üşin qauip bolmağan künniñ özinde zañsız migranttardıñ artuı qılmıstıñ ösuine, jergilikti halıqpen qayşılıq tuğızuğa jäne sayasi twraqtılıqtı bwzuğa äkep soğadı. Mäselen, osı jıldıñ ortasında Astanada jedel aldın alu şaraları jürgizilip, köşi-qon zañnamasın bwzğan 1033 migrant anıqtaldı. Olardıñ 828-i – Özbekstan, 51-i – Qırğızstan, 71-i – Täjikstan, 29-ı – Äzirbayjan, 18-i – Resey, 9-ı – QHR, 14-i – Armeniya, 1-i – Belarus', 6-ı – Gruziya, 5-i – Türkiya azamatı. Almatıda osığan wqsas ispen mıñdağan migrant tirkelgen. Qazirdiñ özinde izdeu salınğan azamattar men bizge beymälim qılmıstıq jayttar barşılıq.
Qazaqstanda paydalanılatın şeteldik jwmıs küşiniñ biraz böligin zañsız migranttar tolıqtıradı. Olardıñ arasında mausımdıq jwmıstarda isteytin, biliktiligi tömen adamdar basım. İs jüzinde elimizde Türkiya, Qıtay, Resey, Wlıbritaniya, Ündistan, Auğanstan azamattarınıñ qwqıq bwzu faktileri jii tirkeledi. Sonday-aq, şeteldik jwmıs küşiniñ Qazaqstandağı ülesiniñ artuı da kriminaldıñ örşuine negizgi sebep. Atalğan memleketterdiñ ülesine jwmıs küşiniñ 60%-70% payızı tiesili.

Eger zañsız is-äreketter men tärtip bwzuşılarğa tiesili şaralar qoldanılmasa, wlttıq qauipsizdik qwldıraydı. Onday jağdayda Keymada-Grandi men Deşmoktağıday asa«kriminaldı ortanıñ» payda bolmasına kim kepil?!.

"The Qazaq Times"